A. M. Karimova, D. M. Malikova pul va banklar

Tijorat banklarining oʻz mablag’lari - bular maxsus fondlar, rezerv kapitali, moddiy rag’batlantirish fondi, ustav fondi, taqsimlanmagan foyda va boshqa har xil tashkil qilingan fondlar.
Tijorat banklarining emitentlashgan mablag’lari - Bularga qimmatbaho qog’ozlarni sotishdan olingan mablag’lar kiradi.
Tijorat valyuta kursi - tijorat banklari tomonidan ichki bozordagi xorijiy valyutaga boʻlgan talab va taklifni hisobga olgan holda aniqlanadi. Tijorat valyuta kurslari boʻyicha tijorat banklari huquqiy va jismoniy shaxslardan xorijiy valyutani sotib oladi va sotadi. Masalan, Oʻzsanoatqurilishbankning 2011yil 16-iyundagi tijorat kursi boʻyicha 1 AQSh dollarining sotib olish kursi 1750, sotish kursi esa 1860 sumni tashkil etdi.
Tijorat krediti - sotuvchilarning xaridorlarga tovar shaklida beradigan kreditidir.
Tijorat foydasi - savdo bilan shug’ullanuvchi sub’yektlarning tovarlar chakana narxi bilan savdo xarajatlari oʻrtasidagi farqdan iborat daromadlari.
Toʻlov talabnomasi - bu mahsulot yetkazib beruvchi va mablag’ oluvchilarning belgilangan summani toʻlovchi bank orqali toʻlashi toʻg’risidagi talabnomani oʻz ichiga olgan hisob- kitob hujjatidir. Toʻlov talabnomasi boʻyicha hisob- kitoblar «Aksept» shaklidagi hisob- kitoblar deb ham yuritiladi.
Toʻlov topshiriqnomasi - mijoz oʻz hisob varag’idan unga xizmat koʻrsatuvchi bankka ma’lum bir summani boshqa mijozning hisob varag’iga oʻtkazish toʻg’risidagi topshirig’idir.
Toʻlovga qobillik - bu keng tushuncha boʻlib, bank zarur muddatlarda kreditlar, omonatchilar, davlat oldidagi majburiyatlarini toʻliq bajara olish layoqatini bildiradi. Lekin u faqat balans likvidligiga bog’liq boʻlib qolmasdan, balki boshqa bir qator omillarga ham bog’liq.
Toʻlov sanasi - bitim shartlariga muvofiq qarz oluvchi hisob varaqlariga pul mablag’lari oʻtkazilishi lozim boʻlgan ish kuni. Qarz oluvchining vakillik hisob varag’idan koʻchirma nusxa pul mablag’lari oʻtkazilganligiga tasdiq hisoblanadi.