A. M. Karimova, D. M. Malikova pul va banklar

Emitent - pul belgilari, qimmatli qog’ozlar va toʻlov hisob- kitob hujjatlarini muomalaga chiqaruvchi shaxs.
Emitent bank - muomalaga pul belgilarini chiqaruvchi bank belgilangan boʻladi.
Erkin narxlar - talab bilan taklif nisbatiga bog’liq boʻlgan narxlar.
Erkin savdo - jahon bozoridagi boj toʻlovlari, import kvotalari, ta’rifsiz toʻsiqlar, eksportni ixtiyoriy cheklashlar kabi proteksionizmga xos boʻlgan cheklovlarsiz amalga oshadigan xalqaro oldi-sotdi munosabatlari.
Erkin Iqtisodiy Hududlar - qoʻshma tadbirkorlik hududlari, xorij kapitalini erkin amal qilishi uchun ajratilgan maxsus hudud, iqtisodiy oʻsishni ta’minlash, ijtimoiy va ekologik muammolarni hal qilish maqsadida tashkil etiladi.
Yuguruvchan inflyasiya yoki giperinflyasiya. Bu haddan tashqari inflyasiya boʻlib, uning yillik sur’atlari 100% dan koʻp boʻlib, ayrim hollarda 1000 % dan ham ortadi. Narx-navo shiddat bilan oʻsadi, pul qadri g’oyat tez pasayadi, pul topishga boʻlgan intilish eng past darajaga keladi. Giperinflyasiya sharoitida korxonalar va aholi nima qilib boʻlsa ham, qadrli pul boʻlgan iqtisodiy qudratli mamlakatlarning valyutalarini yig’a boshlaydilar. Narx-navoni mutlaqo tartibga solib boʻlmaydi, narxlar oyiga 50% atrofida oʻsadi. Tovarlarni pul ishtirokisiz, bir biriga bevosita almashtirish, ya’ni, barter paydo boʻladi. Pul muomalasi izdan chiqadi.
Yuqori likvidli aktivlar - bu kassadagi pullar, Markaziy bankdagi vakillik hisob varag’idagi qoldiq mablag’lar, Markaziy bankdagi rezerv hisob varag’idagi qoldiq mablag’lar, qimmatbaho qog’ozlarga aylantirilgan mablag’lar.
Yalpi ichki maxsulot - muayyan mamlakatda yil davomida yaratilgan barcha maxsulotlar va koʻrsatilgan xizmatlar qiymatlarining bozor narxlaridagi umumiy ifodasi.
Yalpi maxsulot - korxona faoliyatining umumlashgan koʻrsatkichi boʻlib, muayyan vaqtda ishlab chiqarilgan maxsulot koʻlamini ifodalaydi.

FOYDALANILADIGAN ADABIYOTLAR ROʻYXATI