A. I. Umirdinov, A. M. Xakimov xalqaro ommaviy huquq sud amaliyoti o‘quv-uslubiy qo‘llanma (keyslar to‘plami) toshkent – 2018

Jinoyatchilarni ekstraditsiya qilish – odatda xalqaro shartnomalar bo‘yicha yoki agar shunday shartnoma mavjud bo‘lmasa, xalqaro aloqalardagi o‘zaro xalqaro hurmat (international comity) qoidasi bo‘yicha talab qilgan davlatga jinoyatchining talab etilgan davlat tomonidan topshirilishi deganidir.
Ko‘ptomonlama investitsion shartnomalar (MIT) – Uch yoki undan ortiq mamlakatlar tomonidan investorlar huquqlarini himoya qilish maqsadida tuziladigan shartnoma.
Mintaqaviy savdo shartnomalari (RTA) – Ma’lum bir mintaqadagi davlatlar tomonidan o‘zaro savdoni erkinlashtirish maqsadida tuziladigan ko‘ptomonlama shartnomalar. Bularga: NAFTA, TPP, ASEAN kabilarni misol qilib keltirishimiz mumkin.
Muvaqqat xalqaro sud (Permanent Court of International Justice) – 1920-yilda Millatlar Ligasi qoshida tashkil etilgan Xalqaro sud. Hozirgi kunda Birlashgan millatlar tashkiloti qoshidagi Xalqaro Sud (International Court of Justice)ning ajdodi sifatida qaraladi.
Mezbon mamlakat – Xalqaro investitsion munosabatlarda investor tomonidan kiritilayotgan yoki kiritilgan investitsiyani qabul qiluvchi davlat.
NAFTA – Shimoliy Amerika erkin savdo shartnomasi (kelishuvi). 1994-yilda kuchga kirgan va uning a’zolari AQSH, Kanada, Meksika hisoblanadilar.
Ommaviy maqsad – Odatda, xalqaro investitsion munosabatlarda davlatlar investorlar tomonidan davlatning ommaviy manfaatlariga zid harakatlarni amalga oshirganda, davlat o‘z jamiyatining ommaviy manfaatlarini ko‘zlab chora-tadbirlarni amalga oshiradi va bu ommaviy maqsad sifatida talqin etiladi.
UNCITRAL – Xalqaro savdo huquqidagi BMTning asosiy organlaridan biri bo‘lib, 1966-yilda tashkil topgan. Bu tashkilotning asosiy maqsadi xalqaro normalarni modernizatsiya qilish va keng yoyish hisoblanadi.
Ut res magis valeat quam preat - biror-bir narsani tasdiqlash, uni tasdiqlamagandan ko‘ra yaxshiroq.
Uti possidetis iuris – bu davlat mustaqil bo‘lgandan keyin ham mustamlaka paytidagi hududigagina ega bo‘lishi mumkinligini anglatuvchi xalqaro huquqning tamoyilidir.