8-тема: Сиясий философиялық ағымлар ҳәм сиясий идеология

Экологиялық-сиясий идеологиялар инсанлар жасайтуғын тәбийий муҳитты қорғаў, бул ушын зәрүрли нызам ҳәм қағыйдаларды парламент жеке ҳүкимет дәрежесинде қабыл етиў ушын гүрес алып барыў идеологиясы. Буныңдай ағымлар көплеген мәмлекетлерде парламент ҳәм ҳүкиметте өз орынларына ийе. Өзбекстанда экалогиялик х1рекет Олий Мажлистиң Нызамшылық палатасында 15 депутаттан ибарат фракция бар екенин атап өтиў орынлы.
Диний-сиясий идеологиялар ертеде қәлиплескен, диний ақыда-қағыйдаларға тийкарланып ис жүритиў идеологиясы. Бул идеологияның диний экстремизм сыпатында көриниси адамзат ушын қәўипли болып, ол терроризм арқалы сиясий ҳәкимиятқа умтылыўда, бул ушын сиясий жағдайды турақсызландырыў, террористлик ҳәрекетлерди әмелге асырыўда айқын көринбекте. Буныңдай ҳәрекетлер Афганстан, Пакистан, Ирак ҳәм тағы басқа мәмлекетлер де айқын жүзеге шықпақта. Диний экстремистлик ағымлардың (Ҳизбут таҳрири исламия, ваҳҳабизм) Арқа Кавказ ҳәм Орайлық Азиядағы ҳәрекетлериде усындай мақсетлерди алға қояды.
Солай етип, ҳәзирги заманның сиясий-философиялық, идеологиялық ағымлары түрли көринисте жүзеге шығып, олар ҳәрқыйлы сиясий күшлердиң мәпин сәўлелендиреди, жәмийетти раўажландырыўдың түрли жолларын ортаға қояды.
Таяныш түсиниклер: Сиясий философия, идеология, сиясий идеология, сиясий идеология функциялары, либерализм, неолиберализм, консерватизм, неоконсерватизм, социал-демократия, миллий идея, миллий идеология, Өзбекстанның миллий ғәрезсизлик идеологиясы, экосиясий идеология, диний-сиясий идеология, концепция, демократиялық реформа, пуқаралық жәмийет.


-ТЕМА. ӘМЕЛИЙ СИЯСАТ ҲӘМ СИЯСИЙ ТЕОРИЯ.


Реже:
1. Сиясий модель.
2. Әмелий сиясатта эмпирик ҳәм теориялық билимлер диалектикасы.
3. Сиясий теорияның келешекти болжаў функциясы.
4. Сиясий экспертиза ҳәм сиясий әмелият.


Әдебиятлар:
1. Каримов И.А. Шығармалар топламы. 1-17 том. Т., “Ўзбекистон”, 1996-2010 жж.
2. Туйчиев Б.Т. Ҳуқуқ фалсафаси. Т., ЎзМУ, 2004
3. Эргашев И. Тараққиёт фалсафаси. Т., “Академия”, 2000
4. Мусаев Ф.А. Ўзбекистонда фуқаролик жамияти қуришнинг фалсафий-ҳуқуқий асослари. Т., “Ўзбекистон”, 2007
5. Низоммулк. Сиёсатнома ёки Сиар ул-мулк. Т., Адолат. 1997
6. Кадиров Анвар. Сиёсат фалсафаси. Т., 2005