6-боб липидлaр aлмaшинуви

Холестерол синтезининг бошқарилиши
Холестерол синтези калит ферментининг (ГМГ-КоА-редуктаза) бошқарилиши турли йўллар билан боради.
ГМГ-КоА-редуктазани фосфориллаш/дефосфориллаш. Инсулин/ глюкагон нисбати кўпайганда бу фер­мент дефосфорилланади ва фаол ҳолатга ўтади. Инсулин таъсири 2 фермент орқали амалга ошади: киназани фаол бўлмаган дефосфорилланган шаклга айлантирувчи ГМГ-КоА-редуктаза фосфатазаси киназаси; ГМГ-КоА-редуктаза фосфатазасини дефосфорилланган фаол шаклга айлантириш орқали. Бу реакциялар натижасида ГМГ-КоА-редуктазанинг дефосфорилланган фаол шакли ҳосил бўлади. Демак, абсорбтив даврда холестерол синтези кўпаяди. Бу даврда холестерин синтези учун керак бўлган субстрат — ацетил-КоА миқдори ортади (углевод ва ёғларни сақловчи овқат истеъмол қилгандан сўнг глюкоза ва ёғ кислоталари парчаланиши натижасида ацетил-КоА ҳосил бўлади). Постабсорбтив даврда, нофаол ҳолатга ўтказиш натижасида, глюкагон протеинкиназа А орқали ГМГ-КоА-редуктаза фосфорилланишини стимуллайди. Бу таъсирнинг кучайишига сабаб, глюкагон бир вақтда фосфорилланишни стимуллайди ҳамда ГМГ-КоА-редуктаза фосфатазасини инактивлайди ва ГМГ-КоА-редуктаза киназасини фосфориллайди, шундай қилиб ГМГ-КоА-редуктазани фосфорилланган фаол бўлмаган ҳолатда ушлаб туради. Натижада постабсорбтив давр ва очликда холестерол синтези ингибирланади.
ГМГ-КоА-редуктаза синтезининг ингибирланиши. Метаболик йўлнинг охирги маҳсулоти – холестерол ГМГ-КоА-редуктаза гени транскрипцияси тезлигини пасайтиради, натижада ўз синтезини камайтиради. Жигарда холестеролдан ўт кислоталарининг синтези фаол кечади, шунинг учун ўт кислоталари ҳам ГМГ-КоА-редуктаза гени фаоллигини пасайтиради. ГМГ-КоА-редуктаза молекуласи синтездан сўнг 3 соат фаолият кўрсатганлиги сабабли бу фермент синтезининг охирги маҳсулот билан ингибирланиши самарали бошқарилиш ҳисобланади.
Холестеролнинг қон липопротеинлари билан ташилиши
Холестерол қонда фақат ЛП таркибида ташилади. ЛП тўқималарга экзоген холестерол киришини таъминлаб берадилар, холестеролнинг аъзолар ўртасида ҳаракатини ва организмдан ортиқча холестеринни чиқариб юборилишини таъминлайди.