3-sinf ona tili darsida “gap” mavzusini o’tishda interfaol usullardan foydalanish”

Bitiruv malakaviy ishning o‘rganilish darajasi. Ona tili nazariyasi nuqtai nazaridan ko‘plab tilshunos - olimlar e’tiborini tortgan gap mavzusi g‘oyat murakkab va izohtalab mavzudir. Fanning zabardast olimlari Ne’matov H, G‘ulomov A., Qodirov M., To‘xliev B., SHamsieva M. kabilar gapning nazariy asoslarini o‘rgangan bo‘lsalar, Q.Qosimova, I.Abdullaev, Q.Abdullaeva, K.Nazarova, M.Askarova, M.YUnusov kabi uslubshunos olimlar tomonidan turli talqin, mazmunda o‘rganilgan. Uslubshunos olimlardan S.Machanov, X.G‘ulomova, SH.Yo‘ldosheva, SH.Sariev ona tili o‘qitish metodikasi kitobida sintaksis elementlarini o‘rgatish usullarining turli xususiyatlarini boshlang‘ich sinf o‘quvchilarida gap,gap bo‘laklari, gapning ifoda maqsadiga ko‘ra turlari ustida ishlash usullari xaqida mukammal ma’lumot berib o‘tganlar. Bitiruv malakaviy ishni yozish jarayonida yuqorida nom zikr etilgan uslubshunos olimlarning ilmiy – usuliy fikrlariga tayanildi. Boshlang‘ich sinflarda mazkur mavzuni o‘tishda ona tili o‘qitish metodikasi kitobida gap, gap bo‘laklari, gapning uyushiq bo‘laklari xaqida berilgan ma’lumotlarga tayanish mumkin. Ona tili fanini o‘rganishda X.G‘ulomova, K.Qosimova, S.Mastonov, S.Yo‘ldosheva, SH.Sarievlarning metodikaga oid samarali mehnatlarini ta’kidlash joiz. Keyigi davr tilshunosligida gap, gap bo‘laklari, gapning uyushiq bo‘laklarining metodik xususiyatlarini o‘rganish va taxlil qilish bir darajada uni usuliy jihatdan taxlil qilishni taqozo etmoqda.
Bitiruv malakaviy ishning maqsadi. Mavzuning asosiy maqsadi uchinchi sinfda gap va gap bo‘laklarini o‘rganish jarayonida belgilangan qoidalarga amal qilish, mavzuning o‘quvchiga oson va tez etkazilishi uchun muayyan imkoniyatlardan foydalanib yangicha usullarni ishlab chiqishdan iborat.
Tadqiqot obyekti. 2-,3-,4- sinf “Ona tili” darsliklarida berilgan “GAP”bo’limi,shuningdek, bo’lim tarkibidagi takrorlashga mo’ljallangan mashqlar ishning obyekti hisoblanadi.
Tadqidot predmeti. Bitiruv-malakaviy ishning predmeti boshlang’ich sinflarda o’qitiladigan “Ona tili” darslari va Gap mavzusi etib belgilandi.