3-Mаvzu: Ipakni qayta o`rash texnologik jarayoni va uning nazariy asoslari Reja

Ip taqsimlagichlar

Bular ipni tayyor o`ramning uzunasi bo`ylab siljitib turishga va ipni tutam-tutam qilib taxtlab berishga xizmat qiladi. Ip taqsimlagichlarni tayyor o`ramga nisbatan qaytib ilgarilab harakat qiladigan taqsimlagich taxtachasiga mahkam o`rnatiladi. Ip taqsimlagichlarning konstruktsiyasi turlicha: 25-rasmda ip taqsimlagich turlaridan biri ko`rsatilgan. Ko`zcha I richagga 2 mahkamlangan, richagni vint 3 yordamida aylantirish mumkin. Ko`zchani g`altakning uzunasi bo`ylab harakat qildirish uchun vintni 5 burish kerak, vint richagga 2 mahkamlab (biriktirib) qo`yilgan gaykani 6 suradi. Hamma moslamalar tahsimlagich plankisiga vintlangan detallarga 4 qismlarga o`rnatilgan.

25-rasm. O`rash mashinasining ip taqsimlagichi.

M-150 markali o`rash-bobinaj mashinasida iplarni taqsimlash uchun silindr shaklidagi tirqishli o`rash barabanchalari ishlatiladi.

Tugun bog`lagichlar
Qayta o`rash mashinasida iplarni, ayniqsa, ipak xom ashyo iplarini qayta o`rashda nisbatan ko`p uzilish bo`lib turadi. Uzilgan iplarni ulab to`g`rilash uchun ip o`raydigan ishchi ayollarning 40-60 foiz vaqtlari sarf bo`ladi. Ishchi ayol bir smenada 2500 tagacha tugun tugadi. Iplarning uchini bir biriga tugish uchun M.V.Bashkirov tizimidagi tugun tugadigan asbobdan foydalaniladi. Tugunlarni tugishdagi asbob ishlatilganda qo`l bilan tukkanga nisbatan ikki baravar kam vaqt sarf bo`ladi. Binobarin, tugunchaklar pishiq chiqadi, iplarning uchi bir xil o`lchamda 5 mm gacha qoladi.
M.V.Bashkirov tizimidagi tugun tuggichlarda (26 a-rasm)- po`lat plastinka 1 va uning ichida ilgak 3 bor. Ilgakning yaqinida, plastinkaning teshik qismida maxsus o`qqa klapan 4 o`rnatilgan (biriktirilgan), shu plastinka teshigining ichida joylashgan prujina vositasida klapan
doim ko`tarilib turadi.

Qayta o`rash mashinalarida tugun tuggich asboblarini odatda maxsus tutgichlar vositasida

(26 b-rasm) mashinaning yo`naltiruvchi taxtachasiga mahkamlab qo`yiladi.

26-rasm. M.V.Bashkirov tugun tutgichi va uning tutgichlari.