3 bob. "Tungi turna" pyesasida yozuvchi mahorati

Tadqiqotda qo‘llanilgan metodikaning tavsifi. Tadqiqotni amalga oshirishda o‘zbek adabiyotshunosligidagi tajribalar bilan bir qatorda xorijda amalga oshirilgan ilmiy tadqiqotlarga ham suyanildi. Ishda qiyosiy-tarixiy, qiyosiy-tipologik, germenevtika, shuningdek kompleks tahlil metodlaridan foydalanildi.
Tadqiqot natijalarining nazariy va amaliy ahamiyati. Mazkur tadqiqotda ilk bor Yaponiyadagi zamonaviy dramaturgiya va uning ahamiyati haqida ma’lumot berilgan bo‘lib, shuningdek, bu mamlakatda ijod qilgan Kinoshita Junjining hayoti va ijodiga bag‘ishlangan dastlabki tadqiqot ekanligi ahamiyatga molikdir. Mazkur tadqiqot orqali jahon adabiy jarayonidagi yangi uslub va yo‘nalishlarning yapon dramaturglari ijodiga ta’siri, moslashuvi, xususan, Kinoshita Junjining ijodida namoyon bo‘lishi haqida ma’lumotga ega bo‘lish imkonini yaratadi.
Mazkur tadqiqot oliy o‘quv yurtlari Sharq filologiyasi fakultetlari, xususan, bakalavriatura bosqichi yapon filologiyasi 4-kurs talabalari uchun “Til o‘rganilayotgan mamlakat adabiyoti” fani va maxsus kurslarni, magistratura bosqichining asosiy va tanlov fanlarni o‘tish jarayonida qo‘shimcha manba bo‘lib xizmat qiladi. Shuningdek ushbu tadqiqotdan ilmiy maqolalar, dissertatsiya ishlari, darslik va o‘quv qo‘llanmalarida ilmiy material sifatida foydalanish mumkin.