3 bob. "Tungi turna" pyesasida yozuvchi mahorati

Tadqiqot mavzusi bo‘yicha adabiyotlar sharxi. Yangi davr yapon adabiyotini rivojlanishi va undagi yangi mavzular, yangi janrlar va yozish uslublari, yangi davr yapon adabiy jarayonlari, yapon dramaturgiyasi, shu jumladan “shingeki” yuzasidan XX asr davomida ko‘plab sharqshunoslarning tadqiqot manbaiga aylandi. Jumladan, XX asr o‘rtalarida zamonaviy yapon dramaturgiyasidagi adabiy jarayonlar taniqli sharqshunoslar N.G. Anarina, L.D. Grishelyova, N. Konrad, N.I. Chegodar, J. David, K. Jetmorlarning va boshqa sharqshunoslar tadqiqotlarida yoritilgan.
N.G. Anarina “Yapon teatri tarixi” nomli kitobida qadimgi davrda mavjud bo‘lgan ilk teatr ko‘rinishlaridan tortib o‘rta asrlar, shuningdek bugungi kungacha bo‘lgan teatr shakllari, ulardagi janrlar, mavzular ko‘lami haqida batafsil yoritilgan. Bu kitob yaponshunos tadqiqotchilar, Yaponiya an’anaviy dramaturgiyasiga qiziquvchilar uchun asosiy manbalardan biri hisoblanadi.
Professor S.L. Leiter o‘zining “Yapon milliy teatrining tarixiy lug‘ati” kitobida yapon teatri va dramaturgiyasiga oid barcha atamalarning ta’rifi haqida lug‘at berilgan. Bu kitobda yapon dramaturgiyasiga doir barcha atamalar mavjudligi bilan katta ahamiyatga egadir.