3 боб акушерлик қон кетишлари

1. Қорин аортасини сиқиш. Қорин аортасини босишни атоник бачадон қон кетишининг энг илк босқичидан бошлаш тавсия этилади ва бу узоқ вақтдан буён салоҳиятли ҳаётни қутқарувчи чора сифатида тавсия қилинади. Аортанинг ташқи компрессиясини ТҚК ни даволашда тегишли тадбирларни амалга ошириш имкони пайдо бўлгунча қўлланиладиган вақтинчалик чора сифатида тавсия қилинади (масалан, утеротоник терапияни бошлашдан аввал, консерватив гемостаздан хирургик гемостазга ўтишда).

Қорин аортасини босишни бажариш техникаси (3 расм):

1. 
   тўғридан тўғри қорин девори орқали мушт билан қорин аортасини босиш
   
2. 
   босиш нуқтаи киндик устида бироз чап томонда жойлашган
   
3. 
   илк туғруқдан кейинги даврда аорта пульсацияси олд қорин деворидан осонлик билан аниқланиши мумкин
   
4. 
   босиш тўлиқлигини баҳолаш учун иккинчи қўлингиз билан сон артериясидаги пульсни ушлаб кўринг
   
5. 
   пульс сезилиб турса, мушт билан кўрсатилаётган босим етарли эмас
   
6. 
   пульс сезилмаса, мушт билан кўрсатилаётган босим етарли
   
7. 
   аортани қон кетиш тўхтагунча босиб туриш керак
   

3-расм. Қорин аортасини босиш.

2. Бачадонни ташқи массаж қилиш: кафтингизни бачадон тубига қўйинг, унинг қисқариши даражасини баҳоланг, бачадон тубини кафт билан айланма ҳаракатлар орқали бачадон яхши қисқармагунча давом эттиринг. Бачадон яхши қисқарган пайтда қон қуйқаларини итариб чиқариш учун пастга битта ҳаракат билан босинг. Қонни тўплаб олиш учун контейнерни вульва олдига қўйинг. Қон кетишини ўлчанг ва баҳоланг, натижаларни ёзиб қўйинг.


3. Окситоцин юбориш:

1. 
   Бошланғич доза: томирга 20-40 Бирлик окситоцинни 1 литр физ.эритмада 1 дақиқада 60 томчи тезликда юбориш;
   
2. 
   Такрорий доза: кўп қон кетиши давом этса,томирга 20Бирлик окситоцинни 1 литр физ.эритмада 1 дақиқада 40 томчи тезликда юбориш
   
3. 
   Максималдоза: томирга таркибида окситоцин бор 3 литр суюқлик юбориш.