3 боб акушерлик қон кетишлари

Қўшимча утеротоникларни юбориш. Окситоцин юбориш бошланганидан сўнг бачадон атонияси сақланиб турса ва қон кетиши давом этса, муқобил утеротоник препаратлар: эргометрин ва/ёки простогландинлар билан терапияни бошлаш керак. Бачадонни қисқартирувчи простагландларга мизопростол (простагландин Е2) ва энзапрост ёки карбопрост (простагландин F2a) киради.

Эргометрин:

1. 
   эргометриннинг бошланғич дозаси: мушакка ёки томирга секинлик билан 0,2 мг миқдорда
   
2. 
   такрорий доза: 0,2 мг мушакка ёки томирга 15 дақиқадан сўнг, сўнгра – ҳар 4 соатда
   
3. 
   максимал дозаси: 5 та дозадан кўп эмас (умумий ҳисобда 1,0 мг)
   

эргометрин келтириб чиқарадиган асоратга АБ нинг ошиши киради, чунки у қон томирларини торайтиради. Шу сабабли преэклампсияда, бошқа артериал гипертензияларда ва юрак қон-томир касалликларида эргометринни қўллаш тақиқланади.

Мизопростол (простагландин E2) – ҳам утеротоник восита ҳисобланади. ТҚК да унинг дозаси тил остига 800 мкг деб белгиланган. Мизопростолда она танасининг ҳарорати ортиши ва титроқ кузатилиши мумкин, аммо бу белгилар она учун унчалик хавфли эмас.

Энзапрост (карбопрост) фақат мушакка 15 дақиқа интервал билан 0,25 мг дозада юборилиши мумкин. Энзапрост ва карбопростни томирга юбориш мумкин эмас, чунки юрак тўхтаб қолиши рўй бериши мумкин.

1-жадвалда ЖСТ тавсиялари бўйича ТҚК да утеротониклар ва уларнинг дозалари келтирилган

1-жадвал.ТҚК да утеротониклар ва уларнинг дозаси (ЖСТ, 2014).

	Окситоцин	Метилэрго-метрин	Простагландин Е1	Проста-гландинF2a