3-амалий маш ғулот: тана ҳарорати, пульс, артериал босим ва нафас олишни аниқлаш. ҚОн айланишига таъсир этиш чоралари

минутдаги сони 
 
Чақалоқларда 
140 – 160 
1 ёшгача 
110 – 130 
2 ёшгача 
100 – 120 
3 – 4 ёш 
100 – 110 
5 – 6 ёш 
80 – 110 
8 – 12 ёш 
70 – 85 
Катталарда 
60 – 80 
Пульснинг тўлиши ва кучайиши. Юрак систоласи вақтида артерияга қон 
тўлиши туфайли пульс тўлиши рўй беради. Артерияга қон яхши тўлса, бармоқ билан 
пульс тўлқинларини яхши сезамиз. Юрак соғлом бўлганда пульс яхши тўлқинланади. 
Артерияга қон яхши тўлмаса, пульс тўлқинлари кучсиз ва уни аниқлаш қийин бўлади. 
Юрак мускуллари заифлашганда, юқумли касалликларда, қон кетганда пульс ўзгариб, 
ипсимон бўлиб қолади. Ипсимон пульс тез ва уни ушлаб топиш қийин бўлади. Соғлом 
одам билан бемор пульсини солиштириб кўриб, беморлар пульсини аниқлаш осон. 
Пульс ритми. Соғлом одам пульси кетма-кет ритмик равишда қисқаради. Пульс 
тўлқинлари орасидаги интервал бир хил бўлади. Юрак қон-томирлари касалликларида 
юракнинг қисқариш ритми издан чиқади. Бунга аритмия дейилади, Аритмия юрак 
мускуллари зарарланганда ёки юракнинг ўтказиш системаси бузилганда юз беради. Бу 
зарарланиш ревматизм, атеросклероз, гипертония, юқумли касалликлар учун хосдир. 
Артериал босимни аниқлаш.
Қон босими асосан юракнинг итариш кучидан ва 
томирлар деворининг қон оқишига кўрсатадиган қаршилигидан ҳосил бўлади. Шунинг 
учун юракка яқин жойлашган артерияларда қон босими юқори бўлади. Томир юракдан 
узоқлашган сари босим пасаяди. Масалан, аортада қон босими 130-140 мм, йирик 
артерияларда 120-130 мм, майда артерияларда 60-70 мм, капиллярларда 20-40 мм, майда 
веналарда 10-20 мм симоб устунига тенг бўлади. Уни соғлом одамларда ҳам, 
беморларда ҳам юрак-томирлар системасига баҳо бериш мақсадида ўлчанади. Артериал 
босим юракдан отилиб чиқадиган қон миқдорига, қон оқимига, умумий периферик 
томирларнинг нечоғлик қаршилик кўрсатишига, томирлар деворининг эластиклигига 
боғлиқ. Систолик (максимал), диастолик (минимал) артериал босим ва пульс артериал 
босими фарқ қилинади.