27- расм. Занжирли тракторларнинг буриш механизмлари

52-расм. ДТ-75 тағмали тракторнинг балансир каретаси. 1-ўқ, 2-втулка, 3-шайба, 4-втулка, 5-болт, 6-прокладка, 7-ҳалқа, 8-ташқи балансир. 9- ўқ, 10-ички балансир, 11-таянч катоги, 12-ички пружина, 13-ташқи пружина, 14-чеклагич, 15-пружина косалари.
Балансир кареталарини тракторга ўрнатиш пайтида уни калта балансири 10 доимо тракторнинг марказ томонига. узун балансири 8 еса тракторнинг ташқи томонига қаратилган бўлади.
Балансирни калта қисимида иккита тешик мавжуд бўлиб, бирига таянч катогининг ўқи 11, иккинчисига еса иккала балансирни шарнирли боғловчи ўқ 1 ўрнатилади. Бу ўқ, чеклагич 14 билан тутиб турилади.
Балансирнинг узун қисимида иккита ишлов берилган тешик мавжуд. Улардан бири таянч ғилдирагини ўрнатиш учун, иккинчиси, балансир каретасини трактор остови билан боғловчи ўқ 9 учун мўлжалланган. Балансирни охиридаги тешик ўқ 1 учун белгиланган. Хар бир таянч катогининг ўқида иккитадан катоклар ўрнатилган бўлиб, уларнинг ўқи икки томондан иккита конуссимон роликли подшипникларда айланади. Хар бир балансирни юқори чекка қисимида ички 12 ва ташқи 13 пуружиналар учун косачалар 15 ясалган. Балансирларни ўқлари ташқи томонидан чўян қопқоқлар билан беркитилган.
Гусенисали харакатлантиргичлар. Гусенисали харакатлантиргичлар трактор оғирлигини бевосита харакат юзасига ўтказиш ва тракторни шатаксирашини камайтириш учун таянч юзаси бўйлаб илашишни таъминлаш, хамда керакли миқдорда тортиш кучини пайдо қилиш каби вазифаларни бажаради.Гусенисали тракторларда қўлланилаётган осмаларнииг турига қараб харакатлантирувчини тузилиши, фойдаланилаётган тарангловчи мосламани хили, таянч катокларининг сони ва жойланиши хар хил бўлиши мумкин. Шунинг учун қишлоқ хўжалик тракторларида икки хил гусенисали харакатлантиргич қўлланилган. 53-расмда ярим қаттиқ, осмага ега бўлган Т-4А тракторини, 54-расмда еса еластик осмага ега бўлган ДТ-75 тракторини гусенисали харакатлантиргичи кўрсатилган.
И ккала харакатлантиргичлар тузилиши бўйича қуйидаги умумийликка ега. Гусениса занжири, йўналтирувчи ғилдирак, тарангловчи мослама, таянч катоклари, етакчи юлдузча ва тутиб турувчи ғалтаклар шулар жумласидандир. Юқоридаги деталларнинг тузилиши ва вазифасига алохида тўхталамиз.