20. Амалий машғулот сифат менежменти тизими ички аудити

4 Кириш йиғилиши
Кириш йиғилиши:

• 
  аудиторлар жамоасини текширилаётган бўлинма вакиллари билан таништириш;
  
• 
  аудит режасини келишиш;
  
• 
  аудитни ўтказиш вақтида бўлинма ходимларидан нималар талаб қилинишини аниқлаш;
  
• 
  аудиторларга хамроҳлик қилувчи шахслар тайинланганига ишонч ҳосил қилиш;
  
• 
  текширилаётган бўлинма томонидан берилиши мумкин булган саволларга жавоб бериш учун ўтказилади.
  

Кириш йиғилиши аудиторлар гуруҳи текширилаётган бўлинмага келганидан сўнг ва аудит бошлангунгача ўтказилади. Йиғилишда аудиторлар гуруҳини ҳамма аъзолари, текширилаётган бўлинма раҳбари ва вакиллари иштирок этади. Йиғилишни аудиторлар гуруҳи раҳбари олиб боради. У йиғилиш қатнашчиларини бир-бирларига таништиради, аудитни мақсадларини тушунтиради, аудит ҳажми ва мезонларини тасдиқлайди.
Аудиторлар гуруҳи раҳбари аудитни ўтказиш усулларини тушунтириши мумкин.
Йиғилиш давомида аудиторлар гуруҳи раҳбари якуний йиғилишни ўтказиш санаси, вақти, жойини хабар қилиши ва текширилаётган бўлинма вакилларига саволлар бериш учун имконият бериши керак.
Аудиторлар ўз мажбуриятларини бажаришни бошлагунгача, аудиторлар гуруҳи раҳбари жалб килинган аудиторлар хавфсизлик техникаси қоидалари билан танишганига ишонч ҳосил қилиши керак.
Кичик ташкилотларда аудиторларни текширилаётган ходимлар билан таништириш ва уларга ҳамрох бўлувчиларни бириктиришга эҳтиёж йўқ. Бу ҳолда кириш йиғилиши, аудиторлар гуруҳи раҳбарини аудит қандай ўтказилиши тўғрисида хабар беришидан иборат бўлади.
5 Маълумотларни йиғиш ва текшириш
Аудитор, маълумот олишни турли манбаларидан фойдаланган ҳолда, текширилганидан сўнг аудит гувоҳлиги бўладиган маълумотларни йиғади.
Аудит гувоҳликларини аудит мезонларига нисбатан баҳолаш натижасида мувофиқлик, номувофиқлик ёки яхшилаш имкониятларини кўрсатувчи аудит кузатишлари пайдо бўлади.
Аудит кузатишларини таҳлили асосида, тўғриловчи ва олдини олувчи амаллар зарурияти ёки мумкин бўлган яхшилашлар соҳасини кўрсатувчи аудит натижалари бўйича хулоса тузилади.