20. Амалий машғулот сифат менежменти тизими ички аудити

1 Аудитни бошланиши.
Ҳар бир аниқ аудитни бошида қуйидаги ишларни бажариш керак:

1. 
   Аудит мақсадлари, ҳажми ва мезонларини аниқлаш,
   
2. 
   Аудиторлар гуруҳини шакллантириш
   

Аудиторлар гуруҳини шакллантиришда, аудиторлар гуруҳини текширилаётган фаолиятдан мустақиллигини таъминлаш ва гуруҳ аъзолари орасида келишмовчиликлар мавжуд булиши мумкинлигини олдини олиш зарур, бунда текширилаётган бўлинма фикрларини ҳам ҳисобга олиш керак.

3. 
   Аудит муддатларини текширилаётган бўлинма билан келишиш.
   

Аудит дастурини бошқариш учун жавобгар шахслар, ёки аудиторлар гуруҳини раҳбари текшириладиган бўлинма билан олдиндан аудит муддатларини, зарурият бўлса, аудиторлар гуруҳи таркибини келишиши керак.


2 Ҳужжатлар таҳлилини ўтказиш
Ҳужжатлар таҳлили ўтказиш – аудитга тайёргарлик кўришнинг энг муҳим босқичи саналади, бу айниқса сифат тизимини жорий қилиш даврида яккол билинади. Шунинг учун ҳам жойларда текширишга тайёргарлик кўришда ички аудиторлар, аудит мезонларига алоқаси бўлган ҳужжатларни яхшилаб таҳлил қилишлари керак. Таҳлилда қуйидагиларга аҳамият бериш зарур:
• амалдаги ва янги жорий қилинган ҳужжатлар орасида бўлиши мумкин бўлган қарама-қаршиликлар;
• жавобгарликни тақсимлашдаги юзага келиши мумкин бўлган зиддиятлар;
Масалан, сифат бўйича қўлланмада қандайдир жараён учун жавобгарлик белгиланган, лекин бу жараён бўйича процедурада жавобгар сифатида бошқа шахслар кўрсатилган, уларнинг лавозим йўриқномаларида эса бу жавобгарлик ҳақида ҳеч нарса дейилмаган.
• фаолиятни баён қилишда «умумий сўзлар» дан фойдаланилиши. Ҳужжат матнидаги бундай жойлар, бу фаолиятни амалга ошириш тартиби белгиланмаганлигини ёки бу фаолият умуман амалга оширилмаслигини билдиради. Бу ҳолатда аудитор, жойлардаги текширишда бу фаолият қандай амалга оширилишини текшириш кераклиги тўғрисида ўзига қайд қилиб қўйиши керак.
Агар ҳужжатлар мос эмас деб тан олинса, аудиторлар гуруҳи раҳбари аудит дастурини бошқариш учун жавобгар ва текширилаётган бўлинма раҳбарига аудитни давом эттириш ёки эттирмаслик тугрисидаги қарорларни қабул килиш учун хабар қилиши керак.