2. Nerv markazlarining fiziologik xususiyatlari. Markaziy nerv sistemasi bo’limlarning yoshga oid xususiyatlari

 

Tayanch so’z va iboralar. Nerv sistemasi, neyron, periferik nerv sistemasi, 

somatik  nerv  sistemasi,  vegetativ  nerv  sistemasi,  nerv  tolasi,  qo‘zg‘alish, 

tormozlanish, nerv markazlari, orqa miya, bosh miya,  miyacha, o‘rta  miya, oraliq 

miya, bosh miya katta yarim sharlari, refleks, refleksning turlari, shartli reflekslar, 

tashqi  tormozlanish,  shartli  tormozlanish,  so‘nuvchi  tormozlanish,  qiyosiy 

tormozlanish, shartli refleksning kechikishi, dinamik stereotip, nutq. 

 

Nerv sistemasining ahamiyati va umumiy tuzilishi shakli. 

Nerv  sistemasi  asosan  tashqi  muhitdan,  ichki  organlardan  keladigan  turli 

axborotlarni qabul qiladi va ularni markaziy nerv sistemasiga yetkazib beradi. Nerv 

sistemasi organizmdagi barcha organlarni bir-biri bilan bog‘lab,  organizmning bir 

butunligini  ta’minlaydi.  Organizmni  tashqi  muhit  bilan  bog‘laydi,  hamda  uni 

tashqi  muhitga  moslashtiradi.  Nerv  sistemasi  yordamida  atrof-muhitdan  turli 

signallar  qabul  qihnadi,  ular  analiz  va  sintez  qilinib,  turli  reaksiyalar  bilan  javob 

qaytariladi.  Nerv  sistemasi  ichki  sekretsiya  bezlarida  ishlab  chiqariladigan  turli 

gormonlarning  qon  orqali  organizmga  ko‘rsatadigan  ta’sirini,  moddalar 

almashinuvini boshqarib turadi, o‘sish, rivojlanishga ta’sir etadi. Bundan tashqari, 

nerv  sistemasining  oliy  bo’limlarida  ruhiy  funksiyalar  amalga  oshiriladi.  Idrok 

etish, fikrlash va hokazolar oliy nerv faoliyati bilan boshqarib turiladi.  

Nerv tizimini nerv hujayralari va nerv tolalari tashkil qiladi. Nerv hujayralari 

neyron deb ataladi. Neyronlar katta kichikhgi va shakli jihatidan har xildir. Har bir 

neyronning  tanasida  bir  talay  kalta  shoxlangan  о’simtalar-dendritlar  va  bitta 

shoxlanmagan uzun o‘simta - akson bor. Neyronlar tashqi tomondan maxsus parda 

- membrana bilan qoplangan. Nerv hujayralarining tanalari va ularning dendritlari 

to‘planib  kulrang  moddani  uzun  o'simta  akson  esa  maxsus  miyelin  pardasi  bilan 

qoplanib oq moddani hosil qiladi.  

Nerv sistemasi markaziy (bosh va orqa miya), periferik (chetda joylashgan) 

nervlar,  ulaming  oxirgi  apparatlaridan  tashkil  topgan  qismlarga  bo‘linadi. 

Markaziy  nerv  sistemasida  nerv  hujayralari  (neyron  tanalarining)  markazlari  bor. 

Nerv  sistemasining  periferik  qismi  asosan  nervlardan,  ya’ni  tolalar  bog'lamidan 

---

iborat  bo‘lib,  bu  tolalarning  tanasi  (nerv  hujayrasi)  nerv  sistemasining  markaziy 

qismida  joylashgan.  Periferik  nevr  tizimiga  orqa  miyadan  chiqadigan  31  juft 

sezuvchi, harakatlantiruvchi nerv tolalari, bosh miyadan chiqadigan 12 juft nervlar, 

hamda  umurtqa  pog‘onasi  atrofida  va  ichki  organlarda  joylashgan  nerv 

tugunchalari kiradi.  

Nerv sistemasi shartli ravishda ikkiga; somatik va vegetativ nerv sistemasiga 

bo'linadi.  Skelet  muskullarini  va  ba’zi  ichki  organlarini  (til,  hiqildoq,  halqum  va 

hokazolarni) ta’minlab turadigan nervlar somatik nervlar deb nomlanadi. Somatik 

nerv  sistemasi,  asosan,  organizmni  tashqi  muhit  bilan  bog‘laydi  va  skelet 

muskullari harakatini boshqaradi.  

Vegetativ  nerv  sistemasi  ichki  organlarni  (me’da,  ichaklar,  nafas  olish, 

siydik  tanosil  organlarni,  ichki  sekretsiya  bezlari,  teri,  yurak  va  qon  tomirlarni) 

nerv bilan ta’minlaydi.  

Nerv  tolalarining  tuzilishi  va  xususiyatlari.  Parda  bilan  qoplangan  nerv 

hujayralari  o‘simtasi  nerv  tolasi  deyiladi.  Nerv  tolalari  turli  yo‘g‘onlikdagi 

tutamlarni  hosil  qiladi.  Nerv  tolalarining  shunday  to'plami  nerv  deb  ataladi.  Nerv 

tolalari miyelinli va miyelinsiz bo‘lib, miyelinsiz nerv tolalari faqat Shvann qavat 

bilan qoplangandir.  

Markazdan  qochuvchi,  markazga  intiluvchi  va  aralash  nervlar  birbiridan 

tafovut  qilinadi.  Markazga  intiluvchi  nervlar  impulsni  sezgi  organlaridan  nerv 

sistemasining markaziy bo‘limiga o‘tkazadi. Bu nervlar sezuvchi nervlar deb ham 

ataladi.  Bu  nervning  tarmoqlangan  joyi  retseptor  deyiladi.  Markazdan  qochuvchi 

nervlar  impulsni  markazdan  periferiyaga,  ishchi  organga  o‘tkazadi.  Bular 

harakatlanuvchi  nervlar  deb  ham  ataladi.  Bu  nervning  oxirgi  tarmog‘i  effektor 

deyiladi.  

Aralash  nerv  impulsni  ikki  yo‘nalishda  ham  o'tkazaveradi.  Nerv  sistemasi 

oxirgi  tarm  oqlarga  borib  taqaladigan  yagona  neyronlar  kompleksidan  iborat. 

Ayrim  neyronlarning  bir-biriga  tutashadigan  joyi  sinaps  deb  ataladi.  Bitta  nerv 

hujayrasi  tanasiga  to‘g‘ri  keladigan  umumiy  sinapslar  soni  100  taga  yetadi,  hatto 

bundan ham ortadi, dentritlarda esa, hatto necha minglab sinapslar bor.  

Nerv  tolasining  asosiy  xususiyati  o‘ta  qo‘zg‘aluvchanlik  va  labillilik, 

moddalar almashinuvining sekin borishi, nisbatan charchamaslik hisoblanadi.  

Nerv  tolasining  asosiy  xususiyati  o‘ta  qo‘zg‘aluvchanlik  bo‘lib,  u 

organizmning tashqi va ichki muhitdan keladiagn har xil ta’surotlarga javob bera 

olish qobiliyatidir. Ta’surot berilgandan keyin nevr sistemasida fiziologik protsess 

ro‘y  beradi.  Bu  hodisa  qo‘zg‘alish  deb  ataladi.  To‘qimani  qo‘zg‘atish  uchun 

ma’lum  kuchdagi  ta’sirlovchi  bo'lish  kerak,  shundagina  to‘qimada  moddalar 

almashinuvi  vujudga  kelib,  tirik  organizm  ta’surotga  qo‘zg‘alish  bilan  javob 

beradi.  Muskul  to'qimasi  qo‘zg‘alsa  qisqarish  bilan,  bez  to‘qimasi  qo‘zg‘alsa 

sekret  ajrahshi  bilan  javob  beradi.  To‘qimani  qo‘zg‘atuvchi  ta’sirlovchilari  o‘z 

xususiyatiga  ko'ra  fízikaviy,  kimyoviy,  elektrik,  biologik  va  boshqa  turlarga 

ajratiladi. Ta’sirlovchi kelib chiqishiga, organ, to‘qimaga ta’siriga ko‘ra adekvat va 

noadekvat  ta’sirlovchilarga  bo’linadi.  Muayyan  to‘qima  hujayra  va  organ  uchun 

xos  bo’lgan  ta’sirlovchi  adekvat  ta’sirlovchi  deb  ataladi.  Masalan,  ko‘zning 

adekvat  ta’sirlovchisi  yorug’lik,  muskulniki  nerv  tolasidan  keladigan  impuls 

---

hisoblanadi.  Muayyan  to‘qima,  hujayra  va  organ  uchun  xos  bo’lmagan 

ta’sirlovchilar noadekvat ta’sirlovchi deb ataladi. Masalan, muskul to‘qimasi nerv 

tolasidan  kelayotgan  impulsdan  tashqari,  elektr  toki,  tuz,  kislota  ta’sirida  ham 

qisqarishi mumkin. Bular noadekvat ta’sirlovchilardir.  

Nerv tolalarining labilligi turlicha bo’ladi. Ba’zi nerv tolalari har lahzada bir 

necha  o‘ndan  ortiq  impuls  o’tkazsa,  boshqalari  500  tagacha  impuls  o’tkazadi. 

Qalin miyelin qavat bilan qoplangan nerv tolalari o‘ta labillik xususiyatiga ega. 

Nerv  tolalari  qo‘zg‘alganda,  muskullar  qo‘zg‘alishiga  nisbatan  ancha  kam 

energiya  ajraladi.  Ingichka  nerv  tolalari  yo‘g‘on  tolalarga  nisbatan  tezroq 

charchaydi.  So'ngi  tekshirishlarda  nerv  tolasining  charchashi  isbotlangan.  Nerv 

tolasi  charchaganda  biotoklarning  kuchi  o‘zgaradi.  Qo‘zg‘alish  impulsining 

tarqalishi 2-3 marta susayadi. Nerv tolasi ma’lum vaqt oralig’ida kelgan impulsga 

nisbatan kamroq impuls o’tkazib, o‘zining charchamasligini ta’minlaydi.  

Nerv  tolasidan  chiqqan  qo‘zg‘alish  to’lqinlarining  o‘tkazilishi  nervning 

keyingi keladigan har bir qismining yuqori voltli potensiallar bilan ta’sirlanishiga 

bog’liq. Qo‘zg‘alish potensiallari yumshoq qavatli nerv tolalaridan uzluksiz emas, 

balki  o‘qtin-o‘qtin  tarqaladi.  Qo‘zg‘alish  to’lqinining  nerv  tolasidan  o’tkazilishi 

o‘zidan  oldingi  harakatlanayotgan  yuqori  voltli  potensiallarning  hosil  bo‘hshiga 

bog’liqdir. Nerv tolasidan ta’sir olishi uchun u fiziologik normal holatda  bo’lishi 

shart.  

Nerv  tolasi  qattiq  sovitilsa  yoki  o’tkir  zaharlansa,  nerv  impulsini 

o’tkazmaydi.  Aralash  nervlar  tarkibidagi  harakatlantiruvchi  sezuvchi  nervlar  esa 

impulsni  bo’lib-bo’lib  o’tkazadi.  Impulslarni  bu  xilda  ajralgan  holda  o‘tkazilishi 

nervning  miyelin  qavat  bilan  qoplanishiga  sabab  bo’ladi.  Nerv  tolasi  qirqilganda 

nerv  hujayrasi  tanasi  tomondan  o‘sa  boshlaydi.  Nerv  tolasining  qayta  tiklanishi 

bilan  impuls  o’tishi  ham  qayta  tiklanadi.  Markaziy  nerv  sistemasining  neyronlari 

nerv  tolasidan  impulslarni  bir  tomonlama  sezuvchi  retseptordan  ishchi  organga 

o’tkazadi. Bu nerv impulsining sinapslar orqali o’tkazihshiga bog’liq.  

Qo‘zg‘alish impulsi qo‘zg‘algan to‘qimaning hamma qismiga bir tekis to’la 

tarqaladi. Nerv tolasi qancha yo‘g‘on bo‘lsa, qo‘zg‘alish shuncha tez o'tadi. Nerv 

tolalari  yo‘g‘onligiga  ko‘ra,  A,  B,  C,  guruhlarga  bo’linadi.  A  guruhiga  miyelin 

qavati qalinroq, diametri 12-22 mkm bo'lgan nerv tolalari kiradi, ular orqali ta’sirot 

bir  soniyada  70-120m/sek  tezlikda  o‘tadi.  Bu  guruh  nerv  tolalari  o‘ta  elektrik 

faollikka ega. B guruhga vegetativ nerv sistemasining miyelinlashgan ba’zi tolalari 

kiradi.  Bularning  diametri  1-3  mkm  bo‘lib,  issiqqonli  hayvonlarda  ta’sirni  3-14 

m/sek tezlikda o‘tkazadi. C guruhi nerv tolalari yumshoq qavatsiz bo‘lib, diametri 

juda kichik, bularga asosan simpatik nerv tolalari kiradi.  

Nerv tolalarining miyelinlashuvi. Avval periferik nervlar, so'ngra orqa miya 

nervlari, keyinroq bosh miya sopining nerv tolalari, undan so‘ng bosh miya katta 

yarim  sharlarining  tolalari  miyelinlashadi.  Miyelin  qavati  rivojlangan  sari  nerv 

tolasining qo‘zg‘aluvchanligi orta boradi. Ona qornida embrión 4 oylik bo‘lgandan 

boshlab,  orqa  va  bosh  miyadagi  nervlar  miyelinlasha  boshlaydi.  Birinchi  galda 

harakat  nervlari,  so‘ngra  aralash  nervlar,  undan  keyin  orqa  miyaning  markazga 

intiluvchi nervlari miyelinlashadi. Bola tug‘ilganida harakat nervlari miyelin qavat 

bilan qisman o‘ralgan bo‘ladi.  

---

Bola  1,5-2  yashar  bo'lganda  bosh  miyasidagi  ko'pgina  nervlar,  2  yoshida 

eshitish organi  nervlari  miyelinlashib bo‘ladi. Ko‘rish  va  til-tomoq  nervlari  yangi 

tug‘ilgan bolalarda miyelinlashmagan bo'lib, 3-4 yoshda to‘liq miyelinlashadi. Yuz 

nervining  tarmoqlari  homilada  ona  qornidayoq  miyelinlasha  boshlab,  bola 

tug‘ilishi vaqtiga kelganda to'liq tugaydi. Uch yoshda bosh miyaning nerv tolalari 

miyelinlashib, funksiyalari murakkablashib boradi.