2-mavzu: qo‘ZG’aluvchan to‘qimalar fiziologiyasi

2-MAVZU: QO‘ZG’ALUVCHAN TO‘QIMALAR FIZIOLOGIYASI
2.1 Membrananing struktural mozaikasi.
2.2 Passiv va faol transport.
2.3 Membrana va qo‘zg’alish potensiallari.
2.4 Mielinli va mielinsiz nerv tolalarida qo‘zg’alish potensialini o‘tishi.
2.5 Nerv tolasi bo‘yicha qo‘zg’alishning o‘tish qonuniyatlari.
2.6 Sinapslar klassifikatsiyasi va xossalari.
Tayanch tushunchalar: qo‘zg’aluvchan to‘qimalar, membrana potensiali,harakat potensiali, membrana-ion nazariyasi, ta’sirlanish bo‘sag’asi, membrana depolyarizatsiyasining kritik darajasi, iz potensiallari, reobaza, xronaksiya, lokal javob, refrakterlik.
2.1. Membrananing struktural mozaikasi.
Zamonaviy tasavvurlarga ko‘ra, biologik membrana - barcha tirik hujayralarning tashqi qavatini hosil qiladi. Membrananing o‘ziga xos belgisi, bu ularning doimo yopiq maydonni xosil qilib turishidir. Membrananing bunday mikroskopik tuzilishi muhim funktsiyalarni amalga oshirishda katta ahamiyatga ega.
1. To‘siq (bar’er) funktsiyasi - membrana bu mexanizm yordamida kontsentratsion gradientlarni yuzaga chiqaradi va o‘z navbatida erkin diffuziyalanishga to‘sqinlik qiladi. Bunday sharoitda membrana elektrogenez mexanizmlarida ishtirok etadi. Bularga tinchlik potentsialini hosil bo‘lish mexanizmi, harakat potentsialining generatsiyasi bioelektrik impulslarining bir xil va har xil tabiatli qo‘zg’aluvchan tuzilmalarda tarqalish mexanizmlari kiradi.
2. Boshqarish funksiyasi - bu funksiyaning moxiyati shundan iboratki, hujayra tashqarisidagi biologik faol moddalarning retseptsiyasi natijasida membranadagi fermentlar faolligining ortishi va ikkilamchi, mesenjerlari mexanizmining ishga tushirishi hisobiga hujayra ichi suyuqligi tarkibi va reaktsiyalarini boshqarib turadi.
3. Noelektrik tashqi stimullarning (retseptorlarda) elektrik signallarga aylanishi.
4. Neyromediatorlarning sinaptik oxirlariga ajralishi. Zamonaviy electron mikroskop yordamida aniq o‘rganishicha hujayra membranasining qalinligi (6 -12 nm). Kimyoviy tajribalar shuni ko‘rsatdiki, membrana asosan lipidlar va oqsillardan tuzilgan bo‘lib, ularning miqdori turli hujayralarda turlichadir. Hujayra membranasidagi molekulyar mexanizmlarni o‘rganilishining kiyinligi shundaki, hujayra membranasi tozalab yoki ajratilib olinganida uning funksiyasi buziladi. Hozirgi vaqtda hujayra membranasining bir necha modellari mavjud bo‘lib, bulardan eng ko‘p tarqalgani suyuq-qurama modelidir. Bu modelga ko‘ra, membrana, ikki qavat fosfolipid molekulalardan tashkil topgan. Molekulalarni gidrofob qismi ichkariga va gidrofil oxirlari esa suv fazasi tomon yo‘nalgan bo‘ladi. Bunday tizimning ikki fazaga bo‘linishiga, ya’ni xujayra ichi va tashqarisiga juda mos keladi. Fosfolipid qavatga globulyar oqsillar kirib turadi va chekka gidrofil qismlari suv fazasiga yo‘nalgan bo‘lib, bular integrativ oqsillar deyiladi va turli funktsiyalarni, jumladan retseptor, fermentativ, ion kanallarini xosiya qilishda. molekula va ionlarning tashilishida ishtirok etadi.