2-Мавзу. Жисмоний тайёргарлик мазмуни ва моҳияти жисмоний сифатлар қандай хусусият хисобланади

8- машқ. Куч ишлатиладиган машқлар комплекси.
а) 1 дақиқа давомида бажарилади. Бунда, дастлабки «Диққат» командаси ва «Машқни бажаришга КИРИШИЛСИН» ижро командаси берилгач:
дастлабки 30 сония давомида – белда ётган, қўллар биқинга келтирилган, оёқлар жуфт узатилган дастлабки ҳолатдан қўл учи оёқ учига келтирилган тарзда букилиш амаллари максимал кўп маротаба бажарилади (айни вақтда оёқларнинг сезиларсиз букилишига йўл қўйилади. Дастлабки ҳолатга қайтганда курак ерга тегиши шарт);
30 сония ўтиб, «ВАҚТ» ижро командаси берилгач, навбатдаги 30 сония давомида – қўллар ерга таянган ҳолат қабул қилиниб, дам олиш учун танаффус қилмай, тана узатилганча, қўл букиш ва тўғрилаш амали максимал кўп маротаба бажарилади (қўллар, кўкрак қафаси ерга теккунга қадар букилади);
б) 2 дақиқа давомида бажарилади. Бунда, дастлабки «Диққат» командаси ва «Машқни бажаришга КИРИШИЛСИН» ижро командаси берилгач:
биринчи дақиқа давомида – белда ётган, қўллар бош остига келтирилган, оёқлар жуфт узатилган дастлабки ҳолатдан тирсак тиззага теккизилган тарзда букилиш амаллари максимал кўп маротаба бажарилади (айни вақтда оёқларнинг сезиларсиз букилишига йўл қўйилади. Дастлабки ҳолатга қайтганда курак ерга тегиши шарт);
1 дақиқа ўтиб, «ВАҚТ» ижро командаси берилгач, иккинчи дақиқа давомида – «қўлни ерга тираб ётиш» ҳолати қабул қилиниб, дам олиш учун танаффус қилмай, тана узатилганча, қўлни ерга тираб ётиш ҳолатида қўл букиш ва узатиш амали максимал кўп маротаба бажарилади (қўллар, кўкрак қафаси ерга теккунга қадар букилади);
9- машқ. Турникда тортилиш машқи.
Ушбу машқни бажаришда қўл кафтлари турникда олдинга қаратилган ҳолда ушланиб, қўллар параллель узатилган ҳода тутилади, тана бир оз букилган, оёқ тўғри туширилган, учи тўлиқ пастга узатилиб, товонлар жуфт тутилган ҳолатдан бажарилади. Қўллар букилиб, тана юқорига кўтарилар экан, жағ турник устига тўлиқ чиқарилган ҳолат қабул қилинади. Қўллар яна тўлиқ узатилар экан, тана бир маромда пастга туширилиб дастлабки ҳолат эгалланади. Тананинг осилган ҳолати 1-2 сония давомида сақланади. Жуфт тутилган оёқларни 45^О гача букишга рухсат берилади. Танани силташ, оёқни олд-орқага тебратиш, оёқларни чалиштириш, бир қўлда осилиб олиш амаллари ман этилади.