2-Мавзу. Жисмоний тайёргарлик мазмуни ва моҳияти жисмоний сифатлар қандай хусусият хисобланади

57- расм. Рақибни ерга узала чўздириб қўйган ҳолатида тинтув қилиш


Пичоқ ва пиёдалар курагини улоқтириш усуллари:
пичоқни тиғидан ушлаб улоқтириш (58- расм). Ушбу усул пичоқ улоқтиришнинг кенг тарқалган усули саналади. Бундай усулни қўллаш учун пичоқ ўнг қўл билан, сопи олдинга, дами чап томонга қаратилиб ушланади. Бунда, бош бармоқ тиғ устига, унинг ўқи билак ўқининг давоми сифатида қўйилади. Қолган бармоқлар билан эса тиғнинг пастки юзаси, тиғ дамига теккизилмасдан тутиб олинади (58- «а» расм).


58- расм. Пичоқни тиғидан ушлаш ва қўлнинг пичоқ
улоқтирилаётган фурсатдаги ҳолати

Зикр этилган усулни қўллаш учун пичоқ тиғидан, дами кафтдан ташқарига чиқарилган, сопи олдинга узатилган тарзда ушланиб, елка узра орқага олиб ўтилади ва нишонга қарата панжани букмаган ҳолатда улоқтирилади (58- «б» расм).;

пичоқни сопидан ушлаб улоқтириш. Ушбу усул ҳам юқорида баён этилган тарзда, елка узра орқага олиб ўтилган пичоқ нишонга қарата панжани букмаган ҳолатда улоқтирилади;
пиёдалар курагини улоқтириш. Жангга шай ҳолатда турганча, сопи билак ўқини давом эттираётган тарзда тутилган пиёдалар кураги, сопининг учдан бир қисмидан ушланиб, тиғи олдинга қаратилганча, юқорига қулочкашлаб кўтарилади. Курак, сопи кафтдан чиқарилаётган фурсатда нишон томон йўлланади.
31- машқ. Вазни 600 граммли Ф-1 русумли ўқув қўл гранатасини узоққа улоқтириш.
Ушбу машқ ҳар қандай усулда, улоқтириш чизиғига югуриб келиб ёки жойда туриб бажарилади. Граната улоқтирилган масофа узунлиги 4 метр, эни 7 сантиметрли улоқтириш чизиғидан бошлаб ўлчанади. Граната чегаралари параллел оқ чизиқ билан кўрсатилган эни 10 метрли йўлак ичига тушиши шарт. Ушбу йўлак йўналишларининг қарши томонлари ёрқин тусли байроқчалар билан кўрсатилади. Машқ кетма-кет уч маротаба бажарилиб, энг яхши натижа ҳисобга олинади.
1.
А).
Б).
С).