2-Мавзу. Жисмоний тайёргарлик мазмуни ва моҳияти жисмоний сифатлар қандай хусусият хисобланади

рақибни ерга тақаганча, икки букиб тинтув қилиш (56- расм). Ушбу амални бажариш учун рақибга қурол билан таҳдид қилиб, ерга, бир жойга қўйилган қўли билан тақалиб, букилган ҳолатда, оёқларининг орасини кенг очиб туришга мажбур қилинади. Танасининг устки қисми тинтув қилинар экан, рақибга олд томондан яқин келиб, панжалари босиб олинган тарзда пистолет стволи бошига тиралади (56- «а» расм). Танасининг пастки қисми тинтув қилинаётганида чап оёқ билан рақибнинг чап оёғи босилиб, пистолет биқинига тиралади (56- «б» расм);


55- расм. Рақибни деворга тақаб тинтув қилиш


56- расм. Рақибни ерга тақаб, букилган ҳолатида тинтув қилиш


рақибни ерга узала чўздириб қўйган ҳолатида тинтув қилиш (57- расм). Ушбу амални бажариш учун рақибга қурол билан таҳдид қилиб, ерга, юзини ерга қаратиб, қўлларини ён томон узатиб, оёқларини жуфтлаб ётишга мажбур қилинади. Тинтув амали ўнг томондан бошланади. Бунинг учун ўнг оёқ билан рақибнинг ўнг панжаси, тизза билан елкаси босилиб, пистолет стволини бошига тақалади (57- «а» расм). Рақибнинг чап томони ҳам худди шу тарзда, фақат оёғи томон юзланган ҳолатда тинтув қилинади. Рақибнинг олд томонини тинтув қилиш учун уни букилган оёқларини танасининг остида қолдириб, белга ётиш, қўлларини бош томон узатиб, панжаларини қовуштиришга мажбур қилинади. Рақибни шу ҳолатида тинтув қилишга киришишдан олдин ўнг (чап) оёқ билан қовуштирилган панжалари босиб олиниб, пистолет стволи кўкрак қафасига тиралади (57- «б» расм).
Рақибни керакли жойга олиб бориш усуллари:
рақибни оғритиш усули билан туртиб бориш. Ушбу амални бажариш учун рақиб қўли орқага қайрилиб, каскаси, сочи, қарши томон елкаси устидаги кийими чангаллаб олиниб, тортилади ва шу ҳолатда тутилиб, керакли томон олиб борилади;
рақибни қурол билан таҳдид қилган тарзда олиб бориш. Ушбу амални бажариш учун рақибга қурол билан 3-5 м нарида, қуролсизлантириш усулини қўллаш имконидан маҳрум қилган тарзда таҳдид қилиб, керакли томон юришга мажбур қилинади.