2 Халқаро илмий-амалий конференция материаллари. Педагогик инновациялар, касб-ҳунар таълими бошқарув ҳамда педагог кадрларни қайта тайёрлаш ва уларни малакасини ошириш институти, 2020 йил, 424 бет

ОТРни яратиш ва фойдаланиш сабаблари. 
ОТРнинг ривожланишиниг асосий сабаби барча инсонлар учун билим олишга тенг 
имкониятларнинг мавжудлигидир. ОТР таълим олишда асосий ўринни эгаллайди, очиқ таълим 
олишнинг асосий принциплари Кейптаун декларациясида акс эттирилган. Унда педагогларнинг барча 
фойдаланиши мумкин бўлган билимлар дунёсини яратаётганлиги ҳамда ҳар бир инсон уни янада 
бойитишга ўз ҳиссасини қўшиши мумкинлиги таъкидлаб ўтилади. 
ОТР нафақат педагоглар томонидан балки ўқувчи ва ушбу ресурслар фойдаланувчилари (ўқувчи ва 
б.) томонидан ҳам яратилиши мумкин. ОТРдан фойдаланувчи ҳар бир ҳоҳловчи ундан эркин 
фойдаланиши, уни такомиллаштириши ва тарқатиши мумкин. Бу эса ўз навбатида ҳар бир инсоннинг 
индивидуал имкониятларидан (ўзлаштириши, билими, эслаб қолиш салоҳияти ва б.) келиб чиқиб 
таълим олишни кафолатлайди, таълим олиш сифати ва самарадорлиги орттиради. 
ОТРнинг кенг тарқалиши ҳамда шу йўл орқали таълим олишга асосий тўсиқ сифатида 
давлатлар ўртасидаги АКТнинг жорий қилинганлик даражасидаги тафовут ҳамда аҳолининг АКТ 
саводхонлиги турли хил эканлигидир. 
ОТР барча инсонлар учун билим олиш, касб ўрганиш учун кенг имкониятлар очади. Шу 
билан бирга ОТР нафақат онлайн тарзда балки бошқа воситалар орқали (СД-диск, босма қилинган 
ҳолатда ва б.) тарғиб қилиш ушбу ресурслар имкониятларини тўлиқ очиб беришга ҳамда 

---

367 
мамлакатнинг барча ҳудудларидаги (интернет тармоғи юқори даражада ривожланмаган) 
фойдаланувчиларига етиб бориши таъминланади. Анъанавий дарсликлардан фарқли равишда ОТР 
фойдаланувчилар учун долзарб бўлган янги маълумотлар билан доимий тарзда бойитиб борилади.
ОТР яратиш. 
Такомиллаштириш ва оммалаштириш ундан фойдаланувчи ҳамма томонлар учун манфаатли 
ҳисобланади. Жумладан,
формал ва ноформал таълим олаётганлар учун:
-
ўрганаётган курслари бўйича қўшимча маълумот олиш ёки янги билимларга эга бўлиш; 
-
бошқа таълим олаётганлар билан синхрон ва носинхрон тарзда маълумот алмашиш ёки 
мавзуни муҳокама қилиш; 
-
олий таълимга кириш ёки формал таълимни давом эттириш бўйича аниқ қарорга келиш; 
-
ўқишни давом эттириш бўйича таълим муассасани танлаш; 
-
касбий фаолият самарадорлигини ошириш; 
-
мустақил тарзда ОТР яратиш ёки уларни такомиллаштириш имкониятини беради.