181-guruh talabasi Saparboyeva Adolatbonuning Ogohiyning poetik mahorati fani uchun tayyorlagan taqdimoti

Har bir insonga mana shunday ma’naviy navroʻzlik baxti muyassar boʻlsin.
Ogahiy she'riyatiga bag'ishlangan «BULBUL TUSHLARI» (MATNAZAR ABDULHAKIM) maqolasini o'rganish.
Muhammad Rizo Ogahiy barcha mutafakkir shoirlarimiz singari hayotning mohiyati, tiriklik manbai, jumladan, inson deb atalmish mukammallikdan aql bovar qilmas mo’jizaning kelib chiqish sir-sinoatlari toʻgʻrisida tinmay oʻylaydi. Shoir bu borada oʻz salaflarining mutlaqo asosli fikrlarini oʻzicha taraqqiy toptirib, hayot sarchashmalarining ilohiy bir mo'jizalar ta’sirida koʻz ochganligini idrok qiladi va bu boradagi kuzatishlarini ma’naviyatimizning badiiy-falsafiy tarixiga, aniqrogʻi ana shu tarixning bebaho bir mulkiga, eskirmaydigan abadiy obidasiga aylantiradi. Odamzodning kelib chiqishi toʻgʻrisidagi ilmiy va gʻayri Ilmiy qarashlar qay ahvolga tushmogʻidan qat’iy nazar, Ogahiyning tafakkur mevasi boʻlmish insonning oʻz asli-nasliga ilohiy ishonchi falsafasi oʻz ahamiyatini yoʻqotmaydi. An’anaga koʻra, mumtoz shoirlarimiz bu haqdagi poetik fikrlarini devonlarning debochasi va ulardan keyin keladigan tegishli gʻazallarga jo qilib qoldirganlar. Ogahiy hazratlari ham, tabiiyki, bundan mustasno emas. Shoirning oʻz devoni «Ta’viz-ul oshiqin»ga tarzida bitgan «Zihi jonlargʻa» deb boshlanguvchi gʻazalida biz bir jihatni yaqqol ilgʻaymiz.
Ogahiy gʻazal matla’sida, ya’ni fikr quyoshi balkiy boshlagan misrada:
Zihi jonlarga vasling shavqidin ayshu tarab paydo,
Deb haq subhonahu va taolo vaslidin umidvor jonlarning hali dunyoga kelmasdanoq shavqlana boshlaganligi xabarini yetkazadi.
Navoiyni eslang:
Dedi: qay vaqtdan sen ishq aro mast,
Dedi: ruh ermas erdi jonga payvast.
Shoir fikricha, diydor umididan, ilohiy yuz koʻrinuv orzusidan gʻururlanish naqadar haybatli boʻlsa, ana shu diydordan mahrum boʻlmoq vahmi ham ana shunday dahshatlidir. Chunki bu ayriliq hayotga kelishning mohiyatidan mahrum, ma’nolarning ma’nosidan, tiriklik hikmatidan judo boʻlish demakdir: