12-амалий машғулот. Мавзу: ОҒРИҚ Қолдирувчи (анальгетик) воситалар машғулот режаси

Ножўя таъсирлари: кўнгил айниши, қайт қилиш, меъдада яра ҳосил бўлиши, қулоқда шанғиллаш пайдо бўлиши, аллергик реакциялар.
Ўткир заҳарланиш: бош оғриғи, қулоқ шанғиллаши, руҳий бузилишлар, кўришнинг бузилиши, кўнгил айниш, қайт қилиш, респиратор алкалоз, гипокалиемия, тўқималар дегидратацияси, тана ҳароратининг кўтарилиб кетиши.
Сурункали заҳарланиш: салицилизм, юқоридагилардан ташқари геморрагиялар (тромбоцитопения), витамин К бериш керак. Симптоматик даволаш.
Цитрамон, кофецил, седальгин ва бошқа кўпгина мураккаб таблеткалар таркибида аспирин бор.
Метилсалицилат – рангсиз ўзига хос ароматик ҳидли суюқлик, сувда оз эрийди, асосан тана юзасига яллиғланишга қарши ва оғриқсизлантирувчи восита сифатида бир ўзи ёки хлороформ, скипидар ҳамда ёғлар билан қўшиб ишлатилади (ревматизмда, артритларда, плевритларда) “Санитас”, “Нафтальгин”, “Салинимент” линементлари ва Бон-Бенги суртмаси (мазь) таркибида метилсалицилат бор.

Пиразолон унумлари
Бу гуруҳга кирувчи моддалар яллиғланишга қарши, анальгетик ва иситма туширувчи таъсирларга эгалар. Анальгетик самара анальгин ва амидопи-ринда кўпроқ, яллиғланишга қарши таъсир эса бутадионда. Бутадион урат кислотасининг ажралишини кучайтиради, чунки у буйракларда унинг реабсорбциясини пасайтиради (подаграда). Амидопирин сувда кам эрийди (4%), анальгин яхши эрийди (50%).
Пирозолон унумлари МИЙдан тўла ва яхши сўрилади. Уларнинг энг давомли таъсир этувчиси – бутадион (t1/2=72 соат), кейин – амидопирин, анальгин эса уларга нисбатан қисқароқ таъсир давомийлигига эга. Бутадион қон зардобидаги оқсиллар билан яхши боғланади. Пирозолон унумлари асосан анальгетик (анальгин ва амидопирин) сифатида бош ҳамда тиш оғриғида, невральгияда, миальгияда қўлланилади.
Яллиғланишга қарши восита сифатида бутадион юқумли полиартритда, ўткир подагра ва бошқаларда қўлланилади.
Ножўя таъсирлари: амидопирин, анальгин – агранулоцитоз, нейтрофиллар миқдорининг кескин пасайиши, фагоцитоз, ҳимоя йўқолади, ўлимга олиб келиши мумкин.
Бутадион 50% беморларда диспептик бузилишларга (кўнгил айниши, қусиш, қон кетиши, меъда ва ичакда яра ҳосил бўлиши), шишларнинг пайдо бўлишига (натрий ионларининг реабсорбциясини оширади), аллергик реакцияларга, агранулоцитозга, апластик анемияга, жигарнинг жароҳатланишига олиб келади. Меъда яра касаллигида, юрак-қон томир етишмаслигида, жигар касалликларда бутадион ишлатилмайди.