1. Umumхаlq bаyrаmlаrini nishоnlаsh yuzаsidаn tаvsiyalаr

VI. O’quv-metodika kengashi a’zolari, ularning huquq va burchlari
22. Viloyat Xalq ta’limi boshqarmasi, viloyat pedagoglarni qayta tayyorlash va malakasini oshirish instituti mutaxassislarini, pedagogika oliy o’quv yurti professor-o’qituvchilarini metodik ishlarni ekspertizalar o’tkazishga, taqriz va tahrir ishlariga hamda tavsiyalar ishlab chiqarishga shartnoma asosida yoki o’zaro kelishgan holda jalb etadi.
23. Joylarda ilg’or pedagogik tajribalarni, o’quv-tarbiya ishlarining mazmunini, o’quv rejalari, dasturlar, darsliklar, metodik va ko’rgazmali qo’llanmalardan foydalanishda samaradorligini oshirishga oid takliflar beradilar.
24. Ta’lim-tarbiya muammolarini o’rganish va tavsiyalar tayyorlash uchun vazirlik tasarrufidagi barcha idoralardan mutasaddi xodimlarni kengash yig’ilishlariga taklif etadi.
25. O’quv-metodika kengashi a’zolari pedagogika fani yutuqlari,ilg’or pedagogik tajribalarni o’rganish hamda o’rinli foydalanish yuzasidan tavsiyalar tayyorlaydi.
26. O’quv-metodika kengashi ta’lim sohasidagi Yangiliklarni joriy etish va ommalashtirishda alohida o’rnak ko’rsatgan kengash a’zolarini rag’batlantirish uchun boshqarmaga tavsiya etadi.
27. O’quv–metodika kengashi yig’ilishlariga 3 marta uzrsiz sabab bilan ishtirok etmagan rais va a’zolari kengash qaroriga ko’ra kengash a’zolari tarkibidan chiqarilib, ular o’rniga Yangi a’zolar kiritilishi mumkin.

VII. Kengash raisi, kotib va a’zolarining vazifalari

28. O’quv-metodika kengashi raisi ilmiy darajaga ega bo’lgan, o’zining metodik ishlari bilan shu sohada viloyatda tanilgan mutaxassis bo’lishi lozim.
29. Kengash raisi O’quv-metodik kengashga jamoatchilik asosida rahbarlik qilib, yig’ilishlarda ko’riladigan masalalarni tayyorlashga boshchilik qiladi.
30. O’quv-metodika kengashi a’zoligiga shu soha bo’yicha tanilgan ijodkor tajribali o’qituvchilar, metodistlar va olimlar tanlab olinadi. Kengash tarkibining kamida ellik foizi shu sohada doimiy ishlovchi ijodkor o’qituvchilardan iborat bo’lishi zarur.
31. Kengash a’zolari DTS va o’quv dasturlarining bajarilishi borasida olib borilayotgan ishlarni o’rganadi va tavsiyalar tayyorlaydi. Ta’lim muassasalariga o’quv-tarbiya jarayonini takomillashtirish yuzasidan takliflar taqdim etadi.Ilg’or tajribalarni ommalashtirish maqsadida tuman (shahar) fan Metodika uyushmalari axborotlarini tinglab boradi.
32. Kengash a’zolari didaktik materiallar, ko’rsatmali qurollar, o’quv filmlar yaratish yuzasidan tavsiyalar tayyorlashda ishtirok etadi.
33. Kotib asosiy ish faoliyatining tarkibiy qismi sifatida O’quv-metodik kengash ishini olib boradi, yig’ilishda ko’rib chiqiladigan materiallarni tayyorlaydi, yig’ilish qarorlarining bajarilishini nazorat qiladi, a’zolarga kengash haqida xabar beradi va ularning ishtirokini nazorat qiladi, hujjatlarni rasmiylashtiradi, saqlash uchun javob beradi. Yig’ilish bayonnomasi yig’ilishdan so’ng 5 kun ichida rasmiylashtirilishi lozim. Yig’ilish bayonnoma daftarining saqlanishi, undagi yozuvlarning to’g’riligi kisqacha tayyorlangan ko’chirmalarining asliga mosligi uchun javobgardir.