1. Umumхаlq bаyrаmlаrini nishоnlаsh yuzаsidаn tаvsiyalаr

Metodik ishlar samaradorligini oshirishning dolzarb masalalari
(ma’ruza – 4 soat)

Mavzu: ILG’OR PEDAGOGIK ISH TAJRIBANI O’RGANISH, UMUMLASHTIRISH, KO’RIK TANLOVLARIGA TAYYORGARLIK ISHLARINI OLIB BORISH USULLARI

Reja :
1. 2009-yil 11 sentyabrda Xalq ta’limi vazirligining “Xalq ta’limi tizimida uzluksiz metodik xizmat ko’rsatishning Yangi tahrirdagi me’yoriy hujjatlarini tasdiqlash haqida”gi 253 sonli buyrug’ining mazmuni va mohiyati.
2. Viloyat va Respublika “Yil o’qtuvchisi ko’rik tanlovi Nizomi”, talablari va rejasi haqida.
3. Ilg’or pedagogik ish tajribalarni o’rganish usullari.


Umumta’lim maktablaridagi metodik kengash metodik ishlarni muvofiqlashtirish maqsadida metodik kengash tashkil etiladi.
Metodik kengash ta’lim muassasasidagi metodik xizmat bo’limlari, metod birlashma faoliyatini muvofiqlashtirib boradi, ta’lim muassasasi metodik ishlarining asosiy yo’nalishlarini belgilaydi, ilmiy, metodik, didaktik materiallar, o’quv dasturlari mazmuni bilan tanishtiradi, ta’lim muassasalarida Yangi pedagogik texnologiyalar ishlab chiqishga qaratilgan ilmiy izlanishlarni tashkillashtiradi, kasbiy mahoratni takomillashtirish, dars berishning turli metodlari, maktabni o’quv metodik va moddiy rivojlantirish borasida tavsiyalar beradi, ta’lim muassasasi pedagogik xodimlarining ish tajribalarini ommalashtiradi, yosh mutaxassislar bilan ishlaydi, yo’nalishlar va fanlar bo’yicha metodbirlashmalar hisobotini eshitish, muhokama qilish va ular faoliyatini takomillashtirish bo’yicha tavsiyalar beradi.
Ta’lim muassasalaridagi metodbirlashmalar umumiy o’rta ta’lim maktablarida boshlang’ich ta’lim, sinf rahbarlari yo’nalishi hamda fanlar yoki bir-biriga yaqin bo’lgan fanlar turkumi bo’yicha metodbirlashmalar faoliyat ko’rsatadi.
Metodbirlashma o’qituvchilarning kasbiy va metodik mahoratini oshirish, o’quvchilarga beriladigan ta’lim va tarbiya jarayonini zamonaviy pedagogik texnologiyalar asosida tashkil etilishini ta’minlash borasida o’zaro tajriba almashish, ijodkorlik yo’nalishidagi izlanishlarni rivojlantirish va birlashtirish, o’qituvchining darsiga, tarbiyaviy soatiga, darsdan tashqari tadbirlariga qo’yiladigan yagona talablarni ishlab chiqish va ta’lim-tarbiya jarayonida tatbiq etilishini ta’minlaydi.
2009-yil 11 sentyabrda Xalq ta’limi vazirligining “Xalq ta’limi tizimida uzluksiz metodik xizmat ko’rsatishning Yangi tahrirdagi me’yoriy hujjatlarini tasdiqlash haqida”gi 253 sonli buyrug’i qabul qilindi.