1. Umumхаlq bаyrаmlаrini nishоnlаsh yuzаsidаn tаvsiyalаr

III. O’quv-metodika kengashining ish tartibi
8. O’quv fanlari va yo’nalishlari bo’yicha O’quv-metodika kengashi yig’ilishlari har chorakda bir marta o’tkaziladi. Ayrim zaruriy hollarda tezkor yig’ilishlar o’tkazilishi mumkin.
9. O’quv-metodika kengashi yig’ilishi a’zolarining kamida uchdan ikki qismi qatnashgan taqdirda boshlanadi.
10.O’quv-metodika kengashlarining yillik ish rejasi tuziladi va kengash raisi tomonidan tasdiqlanadi.
11. O’quv-metodika kengashi yig’ilish bayonlari bet raqamlari ko’rsatilgan shnurlangan va Xalq ta’limi boshqarmasi muhri bilan tasdiqlangan maxsus daftarga to’laligicha yoziladi.


IV. O’quv-metodika kengashlarining ish mazmuni.
12. O’quv-metodika kengashlari viloyat tasarrufidagi o’quv muassasalari uchun yaratilgan metodik tavsiyalarni muhokama qiladi va ularni chop etish yoki qayta ishlash, takomillashtirish yuzasidan qarorlar qabul qiladi. Shuningdek, o’quv dasturlari, darsliklari, o’kuv qo’llanmalarni takomillashtirishga oid fikr-mulohazalar bildiradi, takliflar tayyorlab, Respublika ta’lim markaziga taqdim etadi.
13. Belgilangan vazifalardan kelib chiqqan holda viloyatdagi oliy o’quv yurtlari, o’rta maxsus ta’lim, kasb-hunar kollejlari boshqarmasi va viloyat pedagoglarni qayta tayyorlash va malakasini oshirish instituti bilan o’zaro hamkorlik qiladi. Kengash yig’ilishlariga taklif etadi. Metodik tavsiyalarni muhokamaga va nashrga tayyorlashda taqriz va tahrir ishlariga jalb etadi.
14. O’quv muassasalaridagi ilg’or tajribalarini ommalashtiradi, Yangi tahrirdagi DTS va o’quv dasturlari, darsliklar, metodik qo’llanmalarni o’quv jarayoniga tatbiq etilishini va samaradorlikni oshirishni o’rganadi, amaliy yordam ko’rsatadi.
15. Ta’lim muassasalariga ko’rsatilayotgan metodik xizmat samaradorligi bo’yicha xalq ta’limi muassasalari mas’ul xodimlarining axborotini eshitadi, tavsiyalar beradi.
16. O’quv-metodika kengashlari faoliyatida o’rnak ko’rsatgan kengash a’zolarini moddiy va ma’naviy rag’batlantirishga tavsiya etadi.

V. O’quv-metodika kengashlarida muhokamalarni o’tkazish tartibi

17. Metodik tavsiyalar ikki nusxada tayyorlanib, olim, metodist, amaliyotchining bergan 3 ta taqrizi, ta’lim muassasasining yig’ilish qarori bilan O’quv-metodika kengashlarining kotibasiga topshiriladi. Kotiba qo’lyozmani ro’yxatga oladi va muhokamaga qo’yish uchun tayyorlaydi.
18. Qo’lyozma ro’yxatdan o’tkazilgandan keyin 1 oy muddat ichida kamida uch nafar soha mutaxassislaridan (shulardan bir nafari kengash a’zosi bo’lishi shart) taqriz olinadi. Muallif yoki mualliflar guruhi a’zolari muhokamadan kamida bir hafta oldin taqrizlar bilan tanishtiriladi, taqrizda bildirilgan takliflarni inobatga olish, mavjud kamchiliklar va nuqsonlarni bartaraf etish uchun mualliflarga imkoniyat beriladi.
19. Kengash yig’ilishlari rejada ko’rsatilgan muddatda o’tkazilishi va kun tartibidagi masalalar puxta tayyorlanishi shart.
20. Kengash kotibasi tomonidan kengash a’zolari va mualliflar ikki hafta oldin yig’ilishning sanasi va vaqt haqida xabardor qilinadi.
21. Yig’ilish kengash raisi (u yo’q paytida rais o’rinbosari) tomonidan olib boriladi.