1-тема. Киши бизнес ҳӘм исбилерменликтиң ӘҲмийети ҳӘм мазмуны

Екинши бөлим. «Бизнес-режениң улыўма жуўмағы, тийкарғы параметрлери ҳәм көрсеткишлери» улыўмаластырыўшы өзгешеликкке ийе болып, бизнес-режениң тийкарғы идея ҳәм мазмунының қысқаша көриниси есапланады. Ол жобаны ислеп шығыў процессинде ислеп шығылып, анықланады ҳәм бизнес жобаны дүзгеннен кейин тамамланады.
Үшинши бөлим. «Исбилерменниң тутыныўшыға усыныс етип атырған өним, товар ҳәм хызметлердиң сыпатламасы» деп аталып, онда төмендегилер келтириледи: исбилермен ислеп шығарған товардың көрсеткишлери ямаса оның сыпатламасы: тәрийпи, модели, сүўрети ҳәм басқалар; исбилермен ислеп шығарған товардың тутыныўшылары ҳәм оны қанаатландырыўы мүмкин болған тутуныўлар (қарыйдардың товарды сатып алыўға имканиятын болжаў; товар сатып алыўшы аймақ, халықтың топары, шөлкемлер ҳаққында мағлыўмат; товарларды белгили ўақыт шеңберинде тутыныў мүмкиншилиги ҳаққында мағлыўмат, товарға болған талапқа тәсир етиўши факторлар); ислеп шығарылған товардың сатыў баҳасын болжаў.
Төртинши бөлим. «Базар конъюнктурасы, талап ҳәм сатыў көлеминиң анализи» бөлиминде талапты үйрениў ҳәм баҳаларды болжаўдың даўамы болып, бул бөлимде өндиристиң көлеми ҳәм товардың сатылыўы ўақыт даўамында белгилеп бериледи.
Бизнес-режени таярлаў процессинде базардың изертлениўи, анализи ҳәм баҳаланыўы бир тәрептен, алдыннан болжаўға тийкарланса, екинши тәрептен, болажақ қарыйдар ямаса саўда шөлкеми менен болған дәслепки шәртнамаға сүйенеди.
Бесинши бөлим. «Ҳәрекет бағдарламалары ҳәм шөлкемлестириўшилик илажлары» болып, бул бөлимниң мазмуны тийкарынан исбилерменликтиң түрине (ислеп шығарыў, комерция, финанс) байланыслы. Исбилерменлик ҳәрекет бағдарламасы төмендегилерди өз ишине алады: а) маркетинг ҳәрекетлери (реклама, сатыў базарын анықлаў, тутыныўшылар менен байланыста болыў, олардың талабын есапқа алыў); б) товарды ислеп шығарыў; в) товарларды сатып алыў, сақлаў, тасыў, сатыў (тийкарынан, коммерциялық исбилерменликке байланыслы); г) товарды сатыў процессинде ҳәм сатқаннан кейин қарыйдарға хызмет көрсетиў.