1-тема. Киши бизнес ҳӘм исбилерменликтиң ӘҲмийети ҳӘм мазмуны

Бизнес-режениң мазмуны. Кәрхана хызметин нәтийжели алып барыўда бизнес реже тийкарғы рол ойнайды. Бизнес режениң дүзилиси ҳәм мазмуны қатаң шегараланбаған. Бизиң пикиримизше, жети бөлимнен ибарат бизнес реже ең мақулы есапланады (3.1.1-сүўрет).
Усы бизнес режени толық көрип шығамыз:
Биринши бөлим. Бизнес-режеде «исбилерменлик хызметиниң мақсети ҳәм ўазыйпалары» тийкарғы орынды ийелейди.
Исбилерменлик хызметиниң бизнес-режеси

	Исбилерменлик хызметиниң мақсет ҳәм ўазыйпалары
Бизнес-режениң улыўма жуўмағы, тийкарғы параметрлери ҳәм көрсеткишлери				Ҳәрекет бағдарламасы ҳәм шөлкемлестириўшилик илажлары
Исбилерменниң тутыныўшыға жеткерип беретуғын өним, товар ҳәм хызметлердиң сыпатламасы				Шәртнаманың ресурслар менен тәмийнлениўи
Базар конъюктурасы, талап ҳәм сатыў көлеминиң анализи				Шәртнаманың нәтийжелиги

3.1.1-сүўрет.
Исбилерменлик бизнесиниң тийкарғы мақсети пайда алыў болып есапланады. Жобаластырылып атырған шәртнаманы әмелге асырыў алдыннан үлкен муғдарда қаржы жумсаўды ҳәм усы қаржы қанша пайда келтириўин есаплап шығыў керек. Бунда улыўма, бизнес реже дүзиўде ўақыт факторын бәрқулла есапқа алыў керек. Басқаша айтқанда, келетуғын пайда ўақытқа қарап қалай бөлистириледи ҳәм инфляцияға қарағанда оның нәтийжелилиги қандай болатуғынлығын есаплап шығыў лазым.
Бизнес-жойбарды әмелге асырыўдан алдын соны итибарға алыў керек, алынған пайда аманат банкине қойылған сол муғдардағы қаржы, келтиретуғын проценттен көп болыўын тәмийнлеў лазым.
Бизнес-режени дүзиўшилердиң дыққат орайында, орайлық, тийкарғы мәселеден тысқары, басқа мақсет ҳәм ўазыйпалар да турыўы керек. Мысалы, социаллық мақсетлер, исбилерменлик дәрежесин көтериў, арнаўлы мақсет ҳәм ўазыйпалар, қәўендерлик илажлары ҳәм басқалар.