1-тема. Киши бизнес ҳӘм исбилерменликтиң ӘҲмийети ҳӘм мазмуны

Киши исбилерменликтиң улыўма ислеп шығарыўдағы көлеми

2000	2005	2010
Санаат	100	11,3	9,8	14,1
Аўыл хожалығы	100	72,4	84,7	93,6
Қурылыс	100	36,8	49,4	54,8
Саўда	100	45,9	44,0	42,6
Пуллы хызмет	100	37,9	52,0	71,0

Улыўма санаат өнимин ислеп шығарыўда келешекте өзгерислер санаат тараўына болған талап нәтийжесинде жүзеге келеди, сондай ақ аўыл хожалығы өнимлерин қайта ислеўши киши кәрханалардың раўажланыў есабынан бул тараў нәтийжеси 93,6 процентке жетеди. Саўда айланысының толық муўапықласыўы нәтийжесинде бул тараўда көрсеткиш үлеси пәсейиўи жүзеге келеди.

Аймақлардың машина соғыў ҳәм металға ислеў бериў, жеңил санаат, әсиресе, трикотаж, тигиўшилик буйымлары таяр өним ислеп шығарыўға арналған тараўларда киши бизнестиң орны ҳәм үлеси жетерли дәрежеде емес. Бизге мәлим барлық тараўда ислеп шығарыў активлиги теңлессе унамлы нәтийжелерге ерисемиз.
Республикамызда киши кәрханалар тәрепинен таяр өнимлер ислеп шығарыўдың өсиўин жаратылған имканиятлардан актив дәрежеде пайдаланыў есабынан тәмийнлеў мүмкин. Бизиң есапларымызға қарағанда 2015 жылға барып республика бойынша киши бизнестиң ислеп шығарылған ЖИӨ көлеминдеги үлесин 61,1 процентке жеткериў киши исбилерменлик кәрханаларының жыллық товар ислеп шығарыўының өсими 2,5 проценттен кем болмаған жағдайда ғана әмелге асады.
Буның ушын аймақлардағы киши исбилернменлик кәрханаларының республика бойынша ислеп шығарылған ЖИӨ деги үлеси келешекте төмендеги жағдайда өсип барыўына ерисиў зәрүр (инерцион тәризде).