1-тема. Киши бизнес ҳӘм исбилерменликтиң ӘҲмийети ҳӘм мазмуны

Жеке қураллар. Бул жерде жумыстың (истиң) тийкарын салыўшы, оның шериклери, шаңарақ ағзаларының қосқан жеке үлеси көрсетиледи.
Бизнестиң сыпатламасы. Фирманың муғдарлық көрсеткишлерин, структуралық-ҳуқуқый формасын, орнын, мәнзилин, ислеўшилер санын көрсетиў лазым. Ислеп шығарылыўы мүмкин болған ямаса орынланыўы керек болған товар ҳәм хызметлерди, кәрхананың қысқаша тарыйхын, перпективасын, маркетинг аймағын, тутыныўшы ҳәм тәмийнлеўшилерди көрсетиў лазым.
Басқарыў. Ҳәр бир мүлк ийелери ҳәм кәрхананың басқа басқарыўшыларының мағлыўматы, тәжирийбеси ҳаққындағы мағлыўматты өз ишине алады.
Кәрхананың финанслық преспекивасы ҳәм көрсеткишлери. Егер кәрхана жаңадан шөлкемлестирилген болса, онда кәрхана ийесиниң жеке капиталын көрсетиў, жобалы баланс дүзиў, перпективасын баҳалаў келтирилиўи лазым. Соның менен бирге күтилмегенде сарыпланатуғын қәрежетлер ушын белгиленген қаржыларды ажыратып қойыў керек. Егер кәрхана жәмәәти ҳәрекетте болса, онда ақырғы еки-үш жыл ишиндеги дәрамат ҳәм зыянлар ҳаққында баланслы есап-санақты ҳәм бүгинги жағдай ҳаққындағы мағлыўматты усыныс етиўи керек.
Көрсетилген бес бөлим ушын 11 жәрдемши форма дүзиледи.
1-форма. Заём алыў ушын берилген арзаның мақсети ҳәм оның тийкарланыўы.
2-форма. Жеке финанслық декларация.
3-форма. Кәрхананың толық сыпатламасы.
4-форма. Базардың анализи.
5-форма. Бәсекилеслер.
6-форма. Кәрхананың жайластырылыўы.
7-форма. Кәрхананың жумысшылары.
8-форма. Басқарыў.
9-форма. Шөлкемлестирилип атырған ямаса кеңейттирлген кәрхана ушын финанслық мағлыўмат.
10-форма. Ҳәрекетдеги кәрхананы сатып алыў ушын финанслық мағлыўмат.
11-форма. Басшы ушын қысқаша жуўмақ.
Бизнес-режени ислеп шығыўда ондағы бөлимлер қысқа ҳәм түсиникли болыўы ушын итибар бериў лазым. Себеби булар бизнес режеге қызығыўшы шахс ямаса банк хызметкериниң ондағы материалларын оқыў-оқымаслығын белгилеп береди. Улыўмаластырып айтқанда, бизнес режениң барлық бөлимлерин өз ишине қамтыўы лазым. Жуўмақта төмендеги мағлыўматлар болыўы усыныс етиледи:
- кәрхананың аты, оның юридикалық мәнзили;
- байланыста болыўы тийис болған, оның телефоны;
- бизнестиң түри;
- керекли муғдардағы заём;
- заёмның мақсети;
- бар активлер;
- товар ҳәм базар (товардың қысқаша сыпатламасы, оны реал сатыў имканиятлары);
- басқарыў (тийкарғы мүлк ийеси ҳәм оның жәрдемшилериниң сыпатламасы);
- финанслық режелер;
- сатыў ҳәм дәрамат көлеминиң өсиў имканиятлары көрсетиледи.