1-мавзу: Таълим тарбия жараёнида педаг

III. Педагогик фаолиятни мустақил ташкил этиш. Ҳар бир ўқитувчи - тарбиячи педагогик фаолиятга киришар экан, аввало уни мустақил ташкил этиш, шахсий тажрибаларини яратиш малакасига эга бўлиши лозим. Фақат шундагина у маҳоратли касб эгаси бўла олади. Шунинг учун ўқитувчи, аввало ўз ихтисослиги устида мустақил ишлаши, шахсий фаолиятини илмий - назарий, методик - амалий йўналишларни мустаҳкам эгалламоғи даркор. Мустақил ишлаш, ўз фаолиятини мустақил такомиллаштириб бориш ҳар бир ўқитувчи-мураббий олдига давр қўяётган вазифадир. Бу ўз навбатида ўқитувчи мустақил фаолиятининг комплекс малакаларига эга бўлиши, ўз-ўзини назорат қилиши, ўз фаолият натижаларини таҳрир қилиш ва баҳолашнинг реал кўникмаларни ҳосил қилади.
IV. Педагогик жараёнга ижодкорлик нуқтаи назаридан ёндошиш. Ҳар бир ўқитувчи - тарбиячидан ўз педагогик фаолиятига тадқиқотчилик асосида ёндошиш, изланувчанлик малакаларига эга бўлиш, шахсий тажрибасини ташхислар олиш тажрибасини яратади. Натижада ўқитувчи илғорликдан ижодкорликка ўтади, ҳар кунлик иш фаолиятини таҳлил қилади, йўл қўйган нуқсон камчиликларини аниқлаб, уни тузатишни режалаштиради.
V. Ўқитувчининг компьютер саводхонлигини ошириш (XXI аср компьютер асридир). Бу жараёнда ўқитувчи, албатта компьютерни билса ўз фаолиятини тўғри ташкил қила олади.
VI. Ўз ишига, ўртоқларига, касбдошларига, таълим муассасаси раҳбарларига, ота - оналарга ижобий муносабатда бўлиш. Ўзаро ҳурмат, ёрдам, ҳамкорлик ва бир бирини аниқ ва тўғри тушуниш касбий маҳоратни эгаллашнинг муҳим шартларидан биридир.
VII. Педагогик изланиш. Илмий услубий, амалий тайёргарликни режалаштириш, педагогика методика фанлар соҳасида ижод қилиш.
VIII. Дарсдан ва таълим муассасасидан ташқари ишларни ташкил этиш усул ва шаклларини чуқур билиши, талабаларнинг бўш вақтларини қизиқарли ва мазмунли ўтказиш методикасини, уларни ижтимоий фойдали ишларга жалб қилиш йўлларини, талабаларда ҳавас, қизиқиш, ташаббускорликни тарбиялаш шаклларни ҳар тарафлама билиш ва амалда қўллашни талаб қилади.
Педагогик маҳоратни такомиллаштиришнинг қайд қилиб ўтилган йўналишлари бўйича маълумотга эга бўлиш ўқитувчига таълим – тарбия жараёнига янги педагогик ғояларни тадбиқ қилиш ўз касбий малакасини юксалтириш учун имкон борича доимий машқ қилиш ва таълим муассасаси раҳбари ғамхўрлик қилса, шарт – шароитлар яратса нур устига, аъло нур бўлади.