1-mavzu. Sifat menejmenti nazariyasi asoslari. Reja

Mashinalar sifatini oshirishning samaradorligi:

• 
  mehnat unumdorligining oshishida;
  

• 
  mashinalar chidamliligining uzayishida;
  

• 
  zaxiradagi mashinalarga bo`lgan talabning qisqarishida;
  

• 
  ta`mir talab mashinalar sonining kamayishida;
  

• 
  kapital sarflariga bo`lgan tejamkorlikda namoyon bo`ladi va hokazo.
  

Mahsulot sifatiga quyidagi omillar ta`sir ko`rsatadi:

• 
  ishlab chiqarish vositalari sifati;
  

• 
  xomashyo, materiallar sifati;
  

• 
  ishlovchilarning malakasi, ish qobiliyati, uyushqoqliligi, tashabbuskorligi, izlanuvchanligi va ijodiy yondoshuvi;
  

• 
  ishlab chiqarishni tashkil qilish va boshqarish sana`ti.
  

Sifat menejmenti mahsulot ishlab chiqarishning har bir bosqichida sifat haqida qayg’urishni anglatadi. shu nuqtai nazardan sifatni boshqarish jarayoni quyidagi bosqichlarni o`z ichiga oladi:

• 
  ishlab chiqarishgacha-konstruktsiyalash, samarali texnologiyani, standartlarni ishlab chiqish va hokazo.
  

• 
  ishlab chiqarish jarayonida - bu erda yaroqsiz mahsulotni ishlab chiqarishga yo`l qo`ymaslik;
  

• 
  ishlab chiqarishdan keyingi bosqich- saqlash, sotish, tashish, xizmat ko`rsatish va boshqa jihatlar ustidan qattiq nazoratni o`rnatish.
  

Sifatni nazorat qilish ham uch bosqichdan iborat:

• 
  kelayotgan xom ashyo, materiallar, yarim fabrikatlar va butlovchi qismlarni tekshirishdan iborat bo`lgan kirish nazorati:
  

• 
  ishlab chiqarish jarayonida mahsulotlar parametrlarni tekshirishdan iborat ehtiyot yoki joriy nazorat;
  

• 
  tayyor mahsulotni tekshirishga qaratilgan qabul qilish nazoratlariga bo`linadi.
  

Sifatni nazorat qilish-mahsulot sifati ko`rsatkichlarining belgilangan talablarga muvofiqligini tekshirishdir.