1. Material-texnik ta`minotini asosiy vazifalari

Suyuq yonilg`ini tashib kelish, saqlash va tarqatish
YOnilg`ini tashib kelish. ATK va YOQSH ga yonilg`i neft bazalaridan Avtosistrenalar yordamida tashib kelinadi. «GAZ», «ZIL», «MAZ» va «KamAZ» avtomobillarining shassisiga o`rnatilgan tsistrenalarning sig`imi 4-6, yarim tirkamalardan foydalanilganda esa 25 ming litrgacha yetadi. Dala sharoitida yonilg`ini tashishda hamda quyishda nasos va tarqatuvchi moslama bilan jihozlangan avtomobil-yonilg`i tarqatuvchilardan foydalaniladi.
YOnilg`ini neft bazasidan chiqarishda sifat pasporti beriladi. Avtomobil tsistrenalariga quyilgan yonilg`i miqdorini aniqlash avtomobil tarozilari yordamida yoki tsistrenaga quyilgan hajmi va zichligi yordamida aniqlanadi. Zichlik tsistrenadan olingan namuna orqali belgilanadi.
Har bir avtotsisterna sig`imi (m³da) va yuk koptarish qobiliyati (tonnada) to`g`risidagi pasportga ega bo`lishi kerak.
YOnilg`ini neft bazasida yoki ATK da qabul qilishda hujjatlarning mavjudligi va to`g`riligi, tsistrenaning zichligi, miqdori va sifati tekshiriladi. Buning uchun tsistrenadagi yoniig`ining balandligi va zichligi hamda 10 daqiqa tingach suvning mavjudligi tekshiriladi. YOnilg`i tsistrenadan sig`imlarga nasos yordamida yoki oqizish yo`li bilan to`kiladi.
Suyuq yonilg`ini saqlash. YOnilg`i bug`i bilan havo (2,4...5%) aralashmasi, 0°C haroratida ‘ortlash havfini tug`diradi. SHuning uchun yonilg`ini saqlashda yong`inga qarshi tadbirlar koprilishi kerak.
Hozirgi vaqtda atrof-muhitni muhofaza etish nuqtai nazaridan, yonilg`ini faqat yer ustida saqlash turi qo`llanilmoqda. YOng`inning oldini olish uchun yonilg`i oqadigan hamma quvurlarga va nafas olish klapanlariga yong`inga qarshi saqlagichlar o`rnatiladi. SHu sababli, benzin saqlashda yong`inga qarshi saqlagichlar bilan ta`minlangan tizim qo`llaniladi. Bu tizimda saqlagichlardan Devi to`ri asosida ishlaydiganlari ko’proq tarqalgan. Bu saqlagichlarda 1 sm<sup>3</sup> da 144...220 gacha teshik lari bo`lgan latun to`rlar bir-biriga yaqin qilib 2 qavatda o`rnatilgan bo`ladi.
YOnilg`i uchun sig`imlardan, quvurlardan, tarqatish jihozlaridan, inshootlardan tashkil to’gan tizim avtomobillarga yonilg`i tarqatish tarmog`i yoki avtomobillarga yonilg`i quyish shaxobchasi deyiladi.
Dizel yoniig`isini saqlash va tarqatish tizimi benzinni saqlash va tarqatish tizimidan unchalik farq qilmaydi, faqatgina ular yonilg`ini 10 kun tindirish uchun qo`shimcha sig`imlar, yonilg`ini yuza qismidan so`rib olish uchun qalqovuchli so`rgichdan hamda tarqatish kotonkasi va sig`im orasiga o`rnatilgan filtr bilan farq qiladi.
Dizel yonilg`isini tashib kelib saqlash va tarqatishda yaxshilab tozalash va avtomobil baklarini vaqti-vaqti bilan yuvib turish kerak.