15-маъруза қозонларни конструкцияси ва таснифи

15-МАЪРУЗА

Қозонларни конструкцияси ва таснифи

Qozonlar texnik qurilma bo'lib, bug' yoki issiq suv ishlab chiqarish uchun mo'ljallangan. Qozonlar konstruktiv shakllarini ko'pligi, ishlash prinsipi, ishlatilayotgan yoqilg'i turi va ishlab chiqarish ko'rsatkichlari bilan farqlanadi. Qozonlarda suvni va bug'-suv aralashmasini harakati tashkil etish usuli bo'yicha quyidagi guruhga bo'linadi: - tabiiy sirkulsiyali qozonlar (1,a-rasm);-issiqlik tashuvchi majburiy sirkulyasiyalanadigan qozonlar, ularda o'z navbatida ko'p martali majburiy sirkulyasiya amalga oshiriladi (1,b-rasm) va to'g'ri oqimli sxemali qozonlar (1,v-rasm). Zamonaviy isitish va isitish-ishlab chiqarish qozonxonalarida bug' ishlab chiqarish uchun asosan tabiiy sirkulsiyali qozonlardan foydalaniladi, issiq suv ishlab chiqarish uchun to'g'ri oqimli sxema bo'yicha ishlovchi, issiqlik tashuvchilari majburiy sirkulyasiyalanovchi qozonlar ishlatiladi. Tabiiy sirkulyasiyali bug' qozonlari ikkita kollektor (baraban) orasida joylashgan vertikal quvurlardan tayyorlanadi.

Quvurning bir qismi, qiziyotgan (ko'tarish quvurlari) deb nomlanadi va mash'ala va yoqilg'ining yonish mahsulotlari bilan qizdiriladi (q-uzatilayotgan issiqlik oqimi), ikkinchi qismi odatda qizimaydigan qism bo'lib, qozon qurilmasidan tashqarida joylashadi va “tushirish quvurlari” deb nomlanadi. Qiziyotgan ko'tarish quvurlarida suv qaynash holatigacha qizdiriladi, bir qismi bug'lanadi va bug' suv aralashmasi shaklida qozon barabaniga kiritiladi, u yerda bug' va suvga ajratiladi. Suv tushiruvchi qizimaydigan quvurlar bo'yicha yuqorigi barabandan pastki kollektorga (baraban) kiritiladi. Tabiiy sirkulyasiyali qozonlarda issiqlik tashuvchilarning harakati harakatga keltiruvchi napor hisobiga amalga oshadi, harakatga keltiruvchi napor tushirish quvuridagi suv ustuni va ko'tarish quvuridagi bug' suv aralashmalari ustuni orasidagi farq hisobiga hosil bo'ladi. Ushbu qozonlarda sirkulyasiya karraligi (sirkulyasion kontur orqali o'tayotgan suv sarfini qozonda ishlab chiqarilayotgan bug' sarfiga nisbati) 10 dan 100 gacha o'zgaradi.