1 маъруза токсикологик кимё фани ва унинг фармация фанлари билан боғлиқлиги. Фаннинг асосий бўлимлари ва фан ўрганадиган умумий масалалар

Токсикологик кимё фанини бошқа фанлар билан боғлиқлиги.
Токсикологик кимё фани фармацевтик фанлар қаторига кириб, у фармацевтик олийгохлар ҳамда тиббиёт олийгохларининг фармацевтика факултетларида ўрганилади.
Токсикологик кимё бошқа фанлар билан узвий боғлиқ. Токсикологик кимё фани заҳарли моддаларни одам ва ҳайвон аъзоларига таъсирини ўргатадиган фармакология ва токсикология фани билан боғлиқ.
Заҳарли моддаларни сифат ва миқдорини аниқлашда аналитик ва органик кимё усуллари қўлланилади.
Заҳарли моддаларни организмдаги метаболитларларини ўрганишда токсикологик кимё, биокимё, аналитик ва фармацевтик кимё фанлари билан боғлиқдир. Заҳарланишга сабаб кўп холларда ўсимлик бўлгани учун кимёгар фармакогнозия фанини билиши керак.
Ашёвий далил нима?
Бу саволга жиноий ишлар қонунларида қуйидагича жавоб берилади: жиноят содир этишда ишлатиладиган предметлар, жиноят изини сақлаган ёки шу ишга аҳамиятли барча хужжат ва сабаблар ашёвий далил хисобланади. Масалан: жиноят содир этилган жойда топилган қонга бўялган пичоқ, хат, турли дори моддалар ёки суюқликлар қолдиқлари ашёвий далил бўла олади.
Айрим холларда изланувчи томонидан ашёвий далил сири чуқур илмий мулохазаларга ёндошган холда аниўланади. Кўпчилик холларда эса суд-тергов ходимларига "экспертлар" деб аталувчи касб эгаларининг ёрдами зарур бўлади, бундай касбни бажарувчилар олиб борган таҳлил эса "экспертиза натижаси" деб юритилади.
Суд кимёси ёрдамида хал қилинган суд-тергов ишларини эса "суд кимё экспертизаси натижалари" деб аталади. Ашёвий далиллар турлича бўлгани каби, уларни суд кимёвий хал этиш усуллари ҳам турличадир. Шу сабабли кимёгар-эксперт анорганик, органик ва аналитик кимё фанларидан, шунингдек фармакогнозия ва заҳарли, доривор ўсимликлар ва уларнинг таъсири тўғрисида билимга эга бўлиши зарур. Бундай талабга эса провизор жавоб бера олади. Суд кимё фани бошқа фармацевтик билимлар билан биргаликда талабаларга доривор моддаларга нисбатан муносабат масъулиятини оширади ва заҳарли моддаларни хис этишга ундайди.