1. экономиканы модернизациялаў шараятында есап системасының орны ҳӘМ ӘҲмийети реже

24-статья. Финанслық есабаттың есабат дәўири
1 - январь – 31- декабрь календарь жылы жыллық финанслық есабаттың есабат дәўири.
1 - январдан баслап дәўирлик финанслық есабат дүзилип атырған есабат сәнесин де қамырап алған дәўир календар жыл даўамында дүзилетуғын дәўирлик финанслық есабат ушын есабат дәўири саналады.
Жаңадан шөлкемлестирилген юридикалық шахслар ушын юридикалық шахс ҳуқықы қолға киритилген сәнеден баслап усы жылдың 31 декабрине болған дәўир, юридикалық шахс болмағанлар ушын болса, олар мәмлекет органларында дизимнен өткерилген сәнеден баслап усы жылдың 31 декабрине шекем болған дәўир биринши есабат жылы деп есапланады.
Егер юридикалық шахс (бюджет шөлкемлеринен тысқары) 1 октябрден кейин дизимге алынған болса, биринши есабат жылы кейинги жылдың 31 декабринде жуўмақланады.
Дизимнен өткен ямаса юридикалық шахс ҳуқықын алынғанға шекем әмелге асырылған хожалық операциялары ҳаққындағы мағлыўматлар биринши есабат жылының финанслық есабатына киритиледи.
25-статья. Финанслық есабатты тапсырыў
Финанслық есабат төмендегилерге тапсырылады:
- мәмлекетлик салық хызмети органларына;
- шөлкемлестириў ҳүжжетлерине муўапық мүликдарларға;
- мәмлекетлик статистика органларына;
- нызам ҳүжжетлерине муўапық басқа органларға.
Финанслық есабат электрон ҳүжжет тәризинде тапсырылыўы мүмкин.
Финанслық есабат жылдың ҳәр шерегинде көрсетиледи. Киши кәрханалар ҳәм микрофирмалар бухгалтерия балансынан ҳам де финанслық нәтийжелер ҳаққындағы есабатдан ибарат тек ғана жыллық финанслық есабатты көрсетеди.
Финанслық есабатты көрсетиў мүддетлери Өзбекистан Республикасы Финанс министрлиги тәрепинен белгиленеди.
Өзбекистан Республикасы Министрлер Кабинети тәрепинен бухгалтерия есабының айырым субъектлери ушын финанслық есабатты көрсетиўдиң басқа мүддетлери белгилениўи мүмкин.
26-статья. Финанслық есабатты жәриялаў
Хожалық жүритиўши субъектлердиң жыллық финанслық есабаты мәпдар банклер, биржалар, инвесторлар, кредиторлар, сондай-ақ нызам ҳүжжетлерине муўапық басқа шахслар ушын ашық саналады.
Акциянерлик жәмийетлер, сондай-ақ қамсызландырыў шөлкемлери, банклер, жәмийетлик фондлары ҳәм нызам ҳүжжетлерине муўапық басқа шөлкемлер ҳәр жылғы финанслық есабатты акциянерлердиң ямаса бухгалтерия есабы субъекти басқа жоқары басқарыў органының жыллық улыўма жыйналысы өткерилетуғын сәнеден кеминде еки ҳәпте алдын аудиторлық жуўмағы менен бирге жәрия қылыўы шәрт.
Усы статья нызам ҳүжжетлериниң басқа талаплары белгиленген бухгалтерия есабы субъектлериниң финанслық есабатына енгизилмейди.