1 – маъруза энергетика энергия тежамкорлиги ва энергетика ресурслари

НАЗОРАТ САВОЛЛАРИ

1. 
   Электр энергияни ҳисобга олиш тизими деганда нимани тушунасиз?
   
2. 
   Ҳисобга олиш асосий тизимлари нималардан ташкил топган?
   
3. 
   Электр энергияни марказлашган ҳисобга олишнинг қандай асосий тизимлари мавжуд?
   
4. 
   ЭНБАТ нима?
   
5. 
   ЭНБАТ ни татбиқ этиш қандай имкониятларни беради?
   
6. 
   Иссиқлик энергиясини ҳисобга олиш ва ростлаш.
   

8 – МАЪРУЗА

ЭНЕРГЕТИКА АУДИТ ВА МЕНЕЖМЕНТ АСОСЛАРИ

РЕЖА:
1. Энергетик менежментнинг мақсади, функциялари ва ташкил-лаштириш.
2. Корхонанинг энергетика баланси


1. Энергетик менежментнинг мақсади, функциялари ва ташкил-лаштириш.
Энергия тежамлаш иқтисодиётининг барча соҳаларида, ёқилғи-энергетик мажмуа, саноатнинг энергия сиғимли соҳалари, коммунал-маиший сектор, қишлоқ хўжалиги ва электрлаштирилган транспортни қўшиб ҳисоблаганда, энергия самарадор технологияларга ўтишни билдиради. Энергия тежамлаш энергияни олиш, ўзлаштириш ва тақсимлашнинг барча звеноларида- бирламчи энергия ресурсларини қазиб олишдан, то охирги истеъмолчилар томонидан энергиянинг барча турларини истеъмол қилишгача, энергиядан рационал фойдаланишни билдиради. Бу муаммоларни ечиш йўли, ўз ичига қўйдагиларни олади: энергияни ишлаб чиқариш, узатиш, тақсимлаш ва истеъмол қилишнинг самарадор технологиялари; тикланувчи энергия манбаларидан максимал фойдаланиш; ёқилғи, иссиқлик ва электр энергия солиштирма сарфини пасайтиришни таъминлайдиган янги технология ва жиҳозларни татбиқ этиш; мавжуд жиҳозларни такомиллаштириш ва модернизациялаш; барча иккиламчи энергетика ресурслардан кенг фойдаланиш, ёқилғининг қиммат турларини арзонлари билан алмаштириш ва ҳ.к.
Бунда энергия тежамлаш муаммоси фақат техник воситалар билан ҳал этилмайди, уларни амалга ошириш учун энергияни олиш ва истеъмолчиларга етказиб берилиши ҳамда турли истеъмолчиларни энергия истеъмолини бошқарувчи тизимнинг мавжудлиги зарур. Мана шу бошқариш масалаларини энергетик менежмент ҳал этишга қодир.