0 ‘ т к I r h o s h I m o V

О ‘tkir Hoshimov
- Erimni tezroq chiqarib beringlar, deyapti.
Koryaginning ensasi qotdi. „Mantiqni qarang!“
- Jumanova, - dedi o‘zi xohlaganidan keskinroq ohang- 
da. - Men boshida aytdim: eringiz Jumanovning qamoqdan 
chiqish-chiqmasligi ko‘p jihatdan sizga bog‘liq. Siz, haqiqat- 
ni tiklash yo‘lida tergovga yordam berishingiz kerak. Shun­
da hammasi yaxshi bo‘ladi. Tushunarlimi?
Ayolning ko‘zlarida yana umid uyg‘ondi.
- Jumanova! - dedi Koryagin aniq-ravshan qilib. - Biz 
sizga, bolalaringizga yomonlik tilamaymiz. Sizdan faqat bir 
narsani so‘rayapmiz. Diqqat bilan quloq soling. Eringiz Ju- 
manov Panji o‘z ko‘rsatmasida aniq qilib aytgan: tumanlara- 
ro paxta punkti mudiri Omonovdan o‘ttiz ming pora olgan. 
Shundan yigirma besh mingini o‘tgan yil 23-oktabr - se- 
shanba kuni kechasi xotini Jumanova Hanifaga - ya’ni 
sizga ko‘rsatgan. Pul, asosan, ellik so‘mlik, yigarma besh 
so‘mliklar bo‘lgan. Pora berish faktini paxta punkti mudi­
ri Omonov ham yozib bergan... Jumanov besh ming so‘mni 
qayoqqa sarflaganining hozircha ahamiyati yo‘q. - Koryagin 
„balki aysh-ishrat qilgasndir“ demoqchi bo‘ldi-yu, aytma- 
di. - Lekin yigirma besh mingni sizga ko‘rsatgani aniq. Ilti- 
mos, eslab ko‘rsangiz, o‘sha pul qayoqda?
Koryagin mulohazalarini dona-dona qilib aytdi. Berdi­
yev ham xuddi shu ohangda taijima qildi. Koryagin ayol­
ning ko‘zlariga tikilib, yuzidaga har bir ifodani kuzatib tur- 
di. Xotin awaliga hayron bo‘ldi. Goh Berdiyevga, goh unga 
mo‘ltirab termildi, keyin ko‘zlari alamdan qisilib, bidir-bidir 
qila boshladi.
- Tushuntiring, Berdiyev! - dedi Koryagin xotinning 
javobini kutmay. - Eri hammasini tan olgan. Jumanova! 
Tushunsangiz-chi! Sabil qolmaydimi o‘sha yigirma besh 
ming! Eringiz arzimaydimi yigirma besh mingga?!
Xotinning rangi gezarib, bo‘yni battar tirishib ketdi. 
Ko‘zlari g‘azabdan yonib, o‘midan sapchib turdi. Chinqirib,

---