0 ‘ т к I r h o s h I m o V

„Men so-
biq obkom sekretari (ismi, familiyasini aniq-ravshan qo ‘shib
aytdi) shuni tan olib aytamanki, „XX partsyezd“ sovxozi-

---

120
О 'tkir Hoshimov
ning direktori Jumanov Panji mazkur lavozimni sotib olish
uchun menga qirq ming so ‘m pora bergan. Pulni diplomat-
da obkom dachasiga (Koryagin о ‘sha yil, о ‘sha kunni aniq
aytdi) tungi soat yigirma uchdan о ‘ttiz minut о ‘tganda olib
borgan
Jumanov hamon yerdan ko‘z uzmay o‘tirardi.
- ,,Dim-dim“ o‘ynash yetar endi? ,,Pepsi“ ichasizmi? -
Koryagin o‘tirgan joyida stakanni uzatdi. - Marhamat!
Jumanov yaqin kelishi bilan stakanni beri tortdi.
-Y osh bolaga o‘xshaysiz! - dedi samimiyat bilan. - Na­
hot bizni shunchalik go‘l deb o‘ylasangiz? Ishoning, bizga 
shaxsan sizning keragingiz yo‘q. Sovet qonuni gumanniy. 
Chin yurakdan tavba qilganlami kechiradi. Mana... - u bir 
varaq qog‘ozni ,,delo“ orasidan olib, stol qirrasiga surdi. -
Shunga qo‘l qo‘ysangiz bas...
Jumanov stol ro‘parasida turar, qizargan ko‘zlari cho‘g‘- 
dek yonib, stakanga tikilib qolgan, sarg‘aygan bodringdek 
tilini chiqarib, hansirab nafas olardi.
- Marhamat! - dedi Koryagin ruchka uzatib. - Mana bu 
yerga.
Jumanovning ko‘zida umid so‘ndi. Stakandagi suvga 
yana bir lahza termilib turdi-da, gandiraklagudek qadam 
bosgan ko‘yi joyiga borib o‘tirdi.
Tergovchi sovuq ko‘pirib turgan suvni bamaylixotir ichdi.
- Siz, - dedi beixtiyor kekirib (La’nati, gazi muncha 
ko‘p!). - G‘alati odamsiz... Obkom sekretari ko‘rsatmasida 
hammasini yozib qo‘ygan bo‘lsa... - Uzoq sukut saqladi-da, 
osoyishta ohangda davom etdi. - Sekretar yolg‘iz sizning 
oyog‘ingizdan tortyapti, deb o‘ylaysizmi? Adashasiz, u 
tullak ko‘plardan pora undirgan: raykomlar, raislar... paxta 
tozalash zavodlari... priyomshiklar... Endi esa suvdan kuruq 
chiqish uchun aybni boshqalarga tunkayapti. Aslida hamma- 
ni pora berishga o‘zi majbur qilgan. Jumladan, sizni ham.
Ayblanuvchi allanima deb g‘o‘ldiradi.

---