Умумий ва тарихий геология

Умумий ва тарихий геология
Кириш
Ҳозир юксалиб бораётган оғир саноатни ва кишлоқ хўжалигини металл ва нометалл хом ашёлар билан таъминлашда етук геолог, географ, нефтчи ва тупроқшунос кадрлар тайёрлаш муҳим вазифалардан бири бўлиб колмоқда. Бинобарин, бундай кадрларни олий ўқув юртларида етиштириш уларни замонавий ўқув қуроллари, дарсликлар ва кўлланмалар билан таъминлашни талаб этади. Шу вактгача олий ўқув юртлари студентлари учун ўзбектилида «Умумий ватарихий геология» дарслиги нашр килинмаганлиги туфайли Ўзбекистон Олий ва ўрта махсус таълим вазирлиги шундай ўкув қўлланма тайёрлашни лозим деб топ.ди.
Ушбу ўқув қўлланма авторнинг бир неча йиллик илмий-педагогик тажрибаси асосида ёзилган бўлиб, олий ўқув юртларининг геология, геология-разведка, нефть-геологияси, гидрология, икженерлик геологияси, биология-тупроқшунослик ва агрономия факультетлари 1—2-курс кундузги ва сиртқи бўлими студентларига мўлжалланган.
«Умумий ва тарихий геология» ўқув қўлланмаси уч қисмдан иборат. Биринчи қисм Ер тўғрисидаги барча маълумотларни ўз ичига олган. Қўлланманинг иккинчи қисми динамик геологияга бағишланган. Бунда Ердаги экзодинамик ва эндодинамик процесслар акс эттирилган. Китобнинг учинчи қисми «Тарихий геология» деб аталиб, ун.да ер пўстининг даврлар бўйича ривожланиш тарихи ва органик дунёиинг пайдо бўлиши, яъни Архей эрасидан ҳозиргача бўлган геологик ўзгаришлар тўғрисида маълумотлар берилади.
Мазкур қўлланма тайёрлашда автор проф. О.Ю.Исломов билан ҳамкорликда ёзилган «Умумий геология» (1971) ўқув кўлланмасидаги айрим материаллардан фойдаланган. Қўлланмада геологик процесслар диалектик материализм методи асосида ёритиб берилган, геология фанинннг химия, физика, география ва биология-тупроқшунослик фанларига ўзаро алоқадорлиги кўрсатилган.
Динамик геология қисмида геоморфология билан тарихий геологияни биргаликда ўрганиш ва унинг моҳияти бўлғуси мутахассислар учун фойдали эканлиги маҳаллий материаллар мисолида берилган.
Қўлланманинг ҳар кайси тема ва параграфлари энг характерли махаллий кўргазма материаллар, фотосурат ва карталар билан бойитилган. Автор мазкур қўлланмани тайёрлашда қимматли маслаҳатлар ва беғараз ёрдам берган ЎзССР Фанлар академияси Сейсмология институтидиректори, академик Ғ.О.Мавлоновга, ЎзССР ФА Ҳ. М. Абдуллаев номидаги геология ва геофизика институтининг директори, академик И.Ҳ.Ҳамробоевга, Тошкент Давлат университети профессори, академик В, И. Попов, профессор Ш. Д. Давлатовга, Тошкент Давлат политехника институти профессори В.Р.Рахимов, М.А.Ахмаджоновга ҳамда қўл ёзманинг махсус муҳаррири, доцент М.Ҳ.Қодировга ва бошқа ўртоқларга самимий миннатдорчилик билдиради.