10 Ma’ruza: oshqozon oldi bo’limlari kasalliklari

10 - Ma’ruza: OSHQOZON OLDI BO’LIMLARI KASALLIKLARI.

Reja:	10.1.	Oshqozon oldi bo’limlari kasalliklari: oshqozon oldi bo’limlari gipo- va atoniyasi.
	10.2.	Katta qorinning to’lib qolishi.
	10.3. 10.4.	O’tkir timpaniya. Travmatik retikulit va retikuloperitonit.

Tayanch iboralar: Oshqozon oldi bo’limlarida ovqat hazm bo’lish jarayoni. Mikrobial oqsil sintezi. Oshqozon oldi bo’limlarining gipo va atoniyasi. Katta qorinning to’lishi (Bo’kish). Katta qorin timpaniyasi. Trovmatik retikulit. Oshqozon oldi bo’limlari kasalliklarini zamonaviy davolash usullari. Spirtli-achitqili aralashma. Oshqazonni yuvish. Zond yordamida gazni chiqarish.

Oshqozon oldi bo’limlari kasalliklari. Bu kasalliklarning asosini oshqozon oldi a’zolari (motariqasining) harakatining buzilishlari tashkil etadi. Shuning uchun bu kasalliklar “oshqozon oldi bo’limlarining distoniyasi” degan yagona termin bilan ataladi va ko’pincha yirik shoxli hayvonlarda, kam darajada mayda kavshovchilarda uchraydi. Distoniyalar joylashishiga va sabablariga kura kuydagicha tavsiflanadi: katta qorin, turqorin va katqorin gipo-va atoniyasi, katta qorin timpaniyasi, katta qorin falaji, travmatik retiqulit va retikuloperitonit, katqorinning tiqilishi.
Oshqozon oldi bo’limlarining birlamchi distoniyalari hayvonlarni parvarishlash va oziqlantirishdagi turli xil yetishmovchiliklar oqibatida kelib chiqadi. Ikkilamchi distoniyalar esa hayvonlarning yurak-qon tomir, nafas, hazm, ayirish va asab tizimlarining u yoki bu kasalliklari bilan kasallanishi oqibatida kelib chiqadi.
Oshqozon oldi bo’limlarining kasalliklari odatda hazm trakti orqali organizmning intoksikasiyasi bilan o’tadi va mahsuldorlik hamda ona hayvonlarda homilaning rivojlanishiga salbiy ta’sir ko’rsatadi.