Зюскинд янги аор двлоди — — цгошкёнт

«Ифор»
295
ши йиғилди. Жаноблар, жумладан, Иккинчи Элчи
ҳам, жимгина қучоқлашдилар, худди бу сирли
хатти-ҳаракат янгидан мўътабар йиғинни таъсис
қилиш учун бўлгандек. Сўнгра воқеалар, айниқ-
са, Гренуй исми ҳақида ҳар қандай эслатмалар-
сиз, бир овоздан «Дю-Кур қопқаси майдонидаги
қатлгоҳ ва минбарни тезлик билан олиб ташлаш,
майдонни ва унинг атрофидаги топталган дала-
ни илгариги сариш та ҳолига келтириш»га қарор
қилинди. Бунга бир юз олтмиш ливр ажратилди.
Бир вақтнинг ўзида суд мажлиси бўлиб ўтди.
Бошқарма муҳокамасиз «Г. воқеаси»ни тугатил-
ган деб ҳисоблашга, далолатномаларни ёпишга
ва қайд этмасдан архивга топширишга ва Грасс
ҳудудидаги номаълум Йигирма Беш Қиз Қотилига
қарши янги иш қўзғашга розилик берди. Полиция
лейтенантига зудлик билан қидирувни бошлашга
буйруқ берилди.
Эртасигаёқ у муваффақиятга эришди. Аниқ
шубҳали ҳолатлар асосида де-ла-Лув қўчасидаги
аттор-уста Доминик Дрюо ҳибсга олинди, - ахир,
охир-оқибатда, барча қурбонларнинг сочлари ва
кўйлаклари топилган кулба унга тегишли эди.
Аввалига у ўз айбини тан олмади, лекин судья-
лар ўзларини адаштиришларига йўл қўймадилар.
Ўн тўрт соатлик қийноқдан кейин у ҳаммасини
тан олди ва ҳатто имкони бўлса, унга эртаси-
га белгиланган қатлни тезлатишларини сўради.
Эрта тонгда уни катта дабдабаларсиз қатлгоҳ ва
минбарсиз, шунчаки жаллод, бир неча бошқар-
ма аъзоси, шифокор ва роҳиб иштирокида дорга
осдилар. Жони чиққандан кейин ўлим аниқлан-
ди ва қайд этилди, мурдани тезлик билан ерга
кўмишга буйруқ берилди. Шундай қилиб, бу иш
якунига етди.

---