Зиёвуддин Раҳим 2 бисмиллаҳир роҳМАНир роҳийм!

НИФОҚ НИМА? 
“Нифоқ” тил учида имон келтириб, қалбидаги куфрни яширишдир. Яъни, одамлар учун мусулмон 
бўлиш, аслида Исломга тескари ишлар қилиш нифоқ саналади. Фақат тилида мусулмон бўлиб, Исломга 
зимдан қаршилик кўрсатадиган кимса “мунофиқ” дейилади. Бундай шахс одамлар кўз ўнгида 
мусулмонлигини билдиради, ҳатто баъзи амалларни бажариб юради. Масалан, беш вақт намоз ўқийди, 
рўза тутади, ҳаж қилади. Аслида эътиқоди бузуқ бўлади. 
Нифоқ икки хил бўлади: эътиқодий нифоқ, амалий нифоқ. Эътиқодий (яъни, қалбдаги) нифоқ 
имоннинг зиддидир. У бандани Ислом умматидан чиқаради. Эътиқодий нифоқ қалб билан боғлиқ. 
Бундай кимса тилида “Аллоҳга, охират кунига ишондим”, дейди, аммо қалбида бунинг акси бўлади. 
Расулуллоҳ соллаллоҳу алайҳи ва саллам даврларидаги мунофиқлар айнан шундай эди. Қуръони каримда 
уларнинг сифатлари, кирдикорлари, оқибатлари баён этилган, мунофиқлар мўмин эмасликлари, 
жаҳаннамнинг энг тубида азобланишлари хабар берилган. 
Кичик нифоқ (амалий нифоқ ҳам дейилади) зоҳирда солиҳ амалларни қилиб, унинг тескарисини 
яширишдир. Кимда кичик нифоқ аломатлари бўлса, Аллоҳга, охират кунига қалбдан ишонса, бунга 
шубҳа қилмаган ҳолида ожизлик қилиб ёлғон гапириб қўйса, ваъдаси устидан чиқмаса ёки бирон сабаб 
билан намозга бепарво бўлса, Ислом умматининг осийларидан бўлади. У кофирларга қилинган қаттиқ 
тергашларга дохил эмас. Аммо ҳаром ишларни енгил санаш, ёлғон гапириш, ваъдага хилоф қилиш каби 
гуноҳларни тап тортмай содир этиш билан ҳақиқий мунофиқ бўлиб қолиш хавфи бор. 
Аллоҳ таоло мунофиқларга қаттиқ азоб бўлишидан огоҳлантирган: 
“--------------------------- Арабий матн --------------------------“ 
“Албатта, мунофиқлар дўзахнинг энг пастки қаватидадирлар. Улар учун ҳеч қандай ёрдамчи 
топа олмайсиз”
(“Нисо” сураси, 145-оят). 
Мунофиқлар кофирлардан ҳам хавфлидир. Чунки кофирлар билан бўладиган муомалада уларнинг 
кимлиги эътиборга олиб иш тутилади. Мунофиқлар эса сиртдан мусулмон бўлиб кўринади. Одамнинг 
ичидагини билиб бўлмагани учун уларга ҳам мусулмонлардек муомала қилинади. Оқибатда мунофиқлар 
орқали мусулмонларга катта зарар етади. Шунинг учун охиратда мунофиқларга кофирларникидан 
оғирроқ азоб берилади. 
Бошқа оятда шундай дейилган: 
“--------------------------- Арабий матн --------------------------“