Зиёвуддин Раҳим 2 бисмиллаҳир роҳМАНир роҳийм!

“Ҳақиқатан, Биз Одам болаларини азиз-мукаррам қилдик, уларни қуруқлик ва денгизда 
(от-
уловга, кемаларга)
 чиқариб қўйдик, уларга ҳалол-пок нарсалардан ризқ-рўз бердик, уларни Ўзимиз 
яратган жуда кўп жонзотлардан афзал қилиб қўйдик”
(“Исро” сураси, 70-оят).
Одам шакли, аъзолари тузилиши унинг мукаррамлигидан дарак беради. Бундай шакл, бундай 
мутаносиблик бошқа жонзотларда йўқ. Қолаверса, Аллоҳ таоло уни Ўз қўли билан яратди, Ўз руҳидан 
пуфлаб жон киритди, Ўзининг ердаги халифаси қилди. Бундай шарафга ҳеч бир жонзот эришмаган. 
Бундан ташқари Аллоҳ инсон боласига ақл-заковат, тафаккур неъматини берди, тўғри йўлдан адашиб 
кетмасинлар, деб ўзларидан пайғамбарлар юборди, илоҳий китоблар туширди, шариат ҳукмларини 
жорий этди. 
Аллоҳ таоло қуруқликда ҳам, денгизда ҳам инсон боласи учун турли уловларни яратди. Улар бу 
воситалар билан узоқ масофаларни тез босиб ўтадилар, оғир ишларни осон бажарадилар. 
Аллоҳ таоло одам боласига барча пок нарсаларни ризқ қилиб берди. Бу неъматларни санаб саноғига 
етиб бўлмайди. Бу борада ҳам инсон зоти бошқа жонзотлардан мутлақ устундир. Меҳрибон Аллоҳ 
одамларга мана шундай афзаллик берган. Лекин бу имон ва солиҳ амал билан бўлади. 
Парвардигоримиз шундай марҳамат қилган: 
“--------------------------- Арабий матн --------------------------“ 
“Албатта, имон келтирганлар, солиҳ амаллар қилганлар, ана ўшалар халойиқнинг энг 
яхшисидир”
(“Баййина” сураси, 7-оят).
Аллоҳга, охират кунига ишонган, эзгу ишлар қилган бандалар ҳаммадан афзалдир. Чунки дунёда 
имондан, солиҳ амалдан кўра яхшироқ нарса йўқ. 
3. Инсон Аллоҳ тарафидан мукаммал қилиб, энг гўзал суратда яратилган. Бу ҳақиқат Қуръони 
каримда алоҳида таъкидланган. Аллоҳ таоло айтади: 
“--------------------------- Арабий матн --------------------------“ 
“Батаҳқиқ, Биз инсонни энг гўзал суратда яратдик”
(“Тин” сураси, 4-оят).
Аллоҳ таоло яратган махлуқотлар сони беҳисоб. Лекин улар ичида инсон энг мукаммали, энг 
чиройлисидир. Аввало, у тик қомат қилинди, барча аъзолари бир-бирига мутаносибдир. Инсонга сўзлаш, 
ақл юритиш, фикрлаш, илм олиш имконияти берилган. У яхшини ёмондан, оқни қорадан ажрата билиш 
хусусияти эга. 
Бошқа оятда шундай дейилган: 
“--------------------------- Арабий матн --------------------------“ 

---

149 
“