Зиёвуддин Раҳим 2 бисмиллаҳир роҳМАНир роҳийм!

“
(Эй Муҳаммад соллаллоҳу алайҳи ва саллам,)
 айтинг: “Осмонлар ва Ердаги нарсаларга 
(яъни, 
ҳамма нарсанинг Ягона Яратувчиси борлигига далолат қиладиган белгиларга)
 қаранглар”. 
(Лекин)
 имон 
келтирмайдиган қавм учун 
(ҳеч қандай)
оят-мўъжиза, огоҳлантириш фойда бермайди”
(“Юнус” 
сураси, 101-оят).
Аллоҳ таоло бу оятда бандаларини осмонлар ва Ердаги ажойиб нарсаларга ибрат назари билан 
қарашга, улар ҳақида тафаккур қилишга буюрмоқда. Бундан фақат мўминлар фойда олишади. Имонсиз 
кимсаларга илоҳий мўъжизалар ҳам, ваъз-насиҳат ҳам кор қилмайди. 
Аллоҳ таоло айтади: 
"--------------------------- Арабий матн --------------------------" 
“Ерда ҳамда ўзларингизда ишонувчилар учун оят-аломатлар бор. Ахир кўрмайсизларми?!”
(“Зориёт” сураси, 20-21-оятлар).
Яъни, эй инсонлар! Ердаги тоғлар, водийлар, денгизларда, ҳайвонот ва ўсимлик оламида, 
ўзларингизда: бир томчи сувдан яратилиб, бу оламга келишингизда, вужудингиздаги ҳар бир аъзо, ҳар 
бир ҳужайра нақадар нозик яратилиб, ўз ўрнига жойлаштирилганида, инсонлар ранги, тили ҳар хил 
қилиб қўйилганида имон келтувчи зотлар учун Аллоҳнинг улуғлигига, қудратига далолат қилувчи 
аломатлар бор. 
Ким шулар ҳақида тафаккур қилса, имонга мушарраф бўлади. Мўмин одам Аллоҳ яратган нарсалар 
ҳақида фикр юритса, имони янада мустаҳкамланади. 
Ерга уруғ қадасангиз, кўп ўтмай ўсимлик униб чиқади, инсонларга, чорва ҳайвонларига емиш 
бўлади. Битта навда эксангиз, ундан барглар, гуллар чиқиб, ҳосил тугади, бир-биридан ширин мевалар 
беради. Битта ердан турфа рангга, шаклга, турфа таъмга, ҳидга эга мевалар, ўсимликлар чиқишини 
ўйласангиз, буларни Аллоҳдан ўзга ҳеч ким қила олмаслигига амин бўласиз. 
Энди Одам алайҳиссаломнинг тупроқдан яратилганини эслайлик. Аллоҳ Одамни ер жинсидан 
яратиб, унга жон ато этди. Одам алайҳиссалом авлодларини эса бир томчи сувдан – нутфадан яраладиган 
қилди. Эркакдан аёлга уруғлик ўтиб, ҳомила пайдо бўлиши, бус-бутун инсон шаклига кириши, ҳамма 
аъзолари тўлиқ ривожланиши, бир томчи сувда инсонга хос ҳамма хислатлар, хусусиятлар жам бўлиши 
мўъжизадан бошқа нарса эмас! 
Қуръони каримда бандаларни тафаккурга ундаб шундай дейилган: 
"--------------------------- Арабий матн --------------------------"