Зиёвуддин Раҳим 2 бисмиллаҳир роҳМАНир роҳийм!

Эй инсон, Улуғ Парвардигоринг ҳақида сени нима ғурурга солди? У Зот сени яратиб, сўнг 
тиклади, мўътадил қилиб қўйди” 
(“Инфитор” сураси, 6-7-оятлар). 
Яъни: Эй банда, Аллоҳ сени яратди, эшитадиган, кўрадиган, ақл юритадиган қилди, сенга чиройли 
сурат бериб, тана аъзоларингни мукаммал яратди. Улуғ Парвардигорингга куфр келтиришга қандай 
журъат этдинг?! 
Ҳақиқатан, Аллоҳ инсонни комил қилиб яратди, уни ўзига керакли ҳамма аъзолар билан 
таъминлади. Инсон тузилишига, аъзоларига диққат билан назар солган киши буни тушуниб етади. Мана 
шу ҳақиқатни англаган мўмин банда имони янада мустаҳкамланади, имондан бенасиб юрганлар, қалбида 
зиғирча инсофи борлар ҳақ йўлни топади. 
4. Одамзотнинг илк вакили – Одам алайҳиссалом гапирадиган, фикр юритадиган мукаммал инсон 
бўлган. 
Тилнинг келиб чиқиши ҳақида турли назариялар илгари сурилади. Уларга кўра, олдин одамсимон 
маймунлар одамга айланган. Сўнг вақт ўтиб, улар бир-бири билан маълум сабабларга кўра гаплаша 
бошлаган. Бу ўта нотўғри, ноилмий қарашдир. Аслида инсон қачондан гапира бошлаганини билиш 
унчалик қийин эмас. Бу ҳақида алоҳида тадқиқотлар ўтказиб, умрни зое кетказишнинг ҳожати йўқ. Бу 
масала аллақачон Оламлар Парвардигори томонидан очиқ-ойдин баён қилинган. Фақат биз ожиз 
бандалар кўпинча асосий манба бир четда қолиб, “илмий” фаразларга чалғиб кетамиз. 
Аллоҳ таоло Қуръони каримда шундай хабар қилган: 
“--------------------------- Арабий матн --------------------------“ 
“У Зот инсонни яратиб, унга 
(дилидаги мақсадини баён эта олиши учун)
 баённи 
(нутқни)
 таълим 
берди” 
(“Ар-Раҳмон” сураси, 3-4-оятлар). 
Ҳасан Басрий бу ердаги “баён”дан мурод нутқ эканини айтган. Аксар муфассирлар шунга иттифоқ 
қилишган. 
Демак, инсон яратилиши билан бир вақтда гапира олиш қобилиятига эга бўлган. Мана шу ҳам нақл, 
ҳам ақл тасдиқлайдиган ҳақиқатдир. 
Қуръони каримда яна шундай дейилган: 
“--------------------------- Арабий матн --------------------------“