Ўйин қоидалари.
Ўйин учун ҳужжатлаштириш: муаммо тавсифи ва ишчи варақ (вазифали технологик карта)дан ташқари ўйин ҳужжатларига ролли карточкалар, газеталар, воқеали карточкалар ва ишчи бланклар киради. Ўйин бошида тарқатиладиган муаммо тавсифи ва ишчи варақ барча гуруҳлар учун бир хил. Ролли карточкалар алоҳида гуруҳлар бошланғич вазиятини тавсифлайди ва кейинги ҳаракатлар учун кўрсатмалар беради. Информацион газета алоҳида гуруҳларга кейинги, чуқурроқ ва профессионал ахборот беради. Ўйин раҳбарида зарурият бўйича ўйинга янги импульс бериш учун 10 дона воқеали карточкалар бор. Бундан ташқари, ўйинга ишчи формулярлар мавжуд. Улар ўйин боришига ва талабалар ҳаракатларини енгиллаштиришга мўлжалланган.
Таҳлил. Ишбилармон ўйин жамиятда ҳақиқий жараённи моделлаштиради, шу тарзда доим ҳам охирги ечимларни топиб бўлмаса ҳам, кўпинча келишувга келинади.
Кучли жиҳатлари.
Ўйиннинг кучли жиҳатларига қўйидагилар киради:
кўпгина ўқув, ташкилий ва ишчи методларни бирга қўллаш;
мустақил ва ижтимоий фаолият;
фанлараро боғланишли ўқув машғулоти;
юқори мотивацион потенциал;
қобилиятли ва сустроқ талабаларга бир хил кўмаклашиш;
маъсулият ҳиссини тушунишга кўмаклашиш;
ўқишда самарали ва узоқ муваффақият.
Камчилиги. Шартларда таъкидлаб ўтилганидек, ишбилармон ўйинни ўтказишда баъзи муаммолар/чегараларга дуч келинади. Уларга қўйидагилар киради:
катта ташкилий ишларни талаб қилади (вақт сарфи, хоналарга талаб, моддий харажатлар);
кичик ўқув гуруҳларида ишни қисман инкор этади, чунки зарурий гуруҳ динамикаси мавжуд бўлмайди;
рол билан етарли бирхиллик бўлмаслиги мумкин;
ҳақиқатга максимал яқинликни сақлаш қийин.
Вазиятни ўрганиш методи ва ролли ўйин билан таққослаш.
Ишбилармон ўйинда маълум вазият ва узоқроқ давомийликка нисбатан вазиятни ўрганиш ва ролли ўйин бирлаштирилади. Ролли ўйин каби талабалар бу ерда ҳам рол ўйнашади, аммо ишбилармон ўйинда ўрнатилган тартибдан кам чиқишади ва шахсий талқинга деярли йўл қўйишмайди. Ишбилармон ўйинда роллар талаба қабул қиладиган кўпроқ аниқ ифодаланган позицияни (сиёсий, иқтисодий ва ҳок.) акс эттиради. Бундан ташқари, ишбилармон ўйин вақтда чўзилган жараёнларни соатлар ёки кунларда бажаришга имкон беради.
Вазиятни ўрганиш билан боғлиқлик ишбилармон ўйин доирасида ишланган ва имкони борича ечилган мавжуд муаммоли вазият орқали кузатилади. Аммо ишбилармон ўйини шунингдек, лойиҳага тайёргарлик ёки ғояларни топиш учун қўлланилиши ҳам мумкин, бунинг учун уни лойиҳа билан мустаҳкам алоқада ўрганиб чиқиш керак
Do'stlaringiz bilan baham: |