Ўзбекистон Республикасининг темир йўл

умумий фойдаланишдаги жойлар – темир йўл корхоналарига тегишли бўлган ёпиқ омборхоналар, шунингдек, йўлнинг темир йўл станцияси ҳудудида юклар ва багажни юклаш, тушириш, сархиллаш ва сақлаш бўйича операцияларни бажариш учун махсус ажратилган участкалари;
умумий фойдаланишда бўлмаган жойлар – темир йўл станцияси ҳудудида махсус ажратилган ва темир йўл корхоналари томонидан юк жўнатувчилар, юк олувчиларга юклар ва багажни ортиш, тушириш ва сақлаш бўйича операцияларни бажариш учун вақтинчалик берилган ёпиқ омборхоналар, майдончалар ва бошқа иншоотлар, шунингдек, темир йўл станцияси ҳудудидан ташқарида жойлашган, темир йўлга ва унинг корхоналарига қарашли бўлмаган тегишли объектлар;
ташиш ҳужжатлари – юклар, йўловчилар, багаж, юк-багажни ташиш ва ҳаракатдаги таркиб учун расмийлаштириладиган ҳужжатлар (юк хати, йўл қайдномаси, жўнатиладиган юк хати, жўнатиладиган қайднома, йўл ҳужжати (чипта), багаж кви­танцияси, юк-багаж квитанцияси);
транспорт темир йўл юк хати (юк хати) – белгиланган шаклдаги асосий ташиш ҳужжати. Юк хати юк жўнатувчи билан темир йўл корхонаси ўртасида учинчи тараф – юк олувчи фойдасига юкни ташиш учун тузиладиган шартноманинг мажбурий шакли ҳисобланади ва бутун ҳаракатланиш йўлида юк билан бирга бўлади;
темир йўл шоҳобчалари – бир ёки бир неча корхоналарга транспорт хизмати кўрсатиш учун мўлжалланган темир йўллар;
Юкларни ташиш қоидалари – ушбу Низомга мувофиқ тасдиқланадиган ва ҳаракат хавфсизлигини, юклар ва ҳаракатдаги темир йўл таркибининг бутлигини, шунингдек, экологик хавфсизликни таъминлаш мақсадида темир йўл, унинг корхоналари, юк жўнатувчилар, юк олувчилар, темир йўл шоҳобчалари эгаларининг ўзига хос хусусиятларини ҳисобга олган ҳолда улар учун мажбурий бўлган ташиш шартларини ўзида мужассам этган норматив-ҳуқуқий ҳужжат;
Йўловчилар, багаж ва юк-багажини ташиш қоидалари – ушбу Низомга мувофиқ тасдиқланадиган ва ҳаракат хавфсизлигини, йўловчилар ташиш ва багаж, юк-багаж ўз вақтида етказиб берилишини, вокзалларда ва поездларда йўловчиларга сифатли хизмат кўрсатилишини таъминлаш мақсадида темир йўл, унинг корхоналари, йўловчилар, багажни ва юк-багажни жўнатувчилар ва олувчиларнинг ўзига хос хусусиятларини ҳисобга олган ҳолда улар учун мажбурий бўлган ташиш шартларини ўзида мужассам этган норматив-ҳуқуқий ҳужжат;