Ўзбекистон Республикасининг темир йўл

темир йўл (темир йўл транспорти) – ташишларга бўлган эҳтиёжларни таъминловчи, ўз ичига ишлаб чиқариш ва ижтимоий соҳа корхоналари, муассасалари ва ташкилотларини олган, ягона ишлаб чиқариш-технологик мажмуа. Темир йўл транспортини бошқариш марказлашган тарзда амалга оширилади ва темир йўл транспорти бўйича давлат бошқарувини амалга ошириш учун ваколатланган органнинг ваколатига киради;
ташкилотлар – Ўзбекистон Республикаси вазирликлари ва идораларининг корхоналари, ташкилотлари, муассасалари ва мулкчилик шаклидан қатъи назар бошқа юридик шахслар;
темир йўл станцияси – умумий фойдаланишдаги темир йўл транспортининг поездлар ва бошқа транспорт воситалари билан технологик операцияларни (қабул қилиш ва жўнатиш, манёврга оид ишлар ва ҳ.к.), шунингдек, юклар ва багажни қабул қилиш ва топшириш, йўловчиларга хизмат кўрсатиш бўйича операцияларни амалга оширувчи бўлинмаси;
умумий фойдаланишдаги темир йўл транспорти – ҳар қандай жисмоний ёки юридик шахснинг мурожаатига кўра транспорт ишларини бажариш мажбуриятига асосланган транспорт ишлари ва хизматларини амалга оширувчи темир йўл транспорти;
темир йўл бўлинмалари – темир йўл транспорти тармоғининг муайян минтақаларида йўловчилар, юклар ва багажни ташишни амалга оширувчи, шунингдек, бошқа транспорт ишларини бажарувчи ҳамда юридик ва жисмоний шахсларга хизматлар кўрсатувчи корхоналар;
қўл юки – ўровининг хили ва туридан қатъи назар ўзининг ўлчамлари ва оғирлиги бўйича (учта ўлчов йиғиндиси бўйича 180 см дан ва оғирлиги бўйича, одатда, 36 кг дан ошмаслиги керак) йўловчи вагонларида улар учун ажратилган жойларга қийинчиликсиз ўрнашадиган ташилиши осон бўлган буюмлар ва нарсалар;
багаж – йўловчи томонидан ташиладиган ва йўл босиб ўтилгунча йўловчи вагонида унинг ёнида бирга бўладиган ашёлар, товар ва бошқа моддий бойликлар;
юк-багаж – йўловчи ва почта-багаж поездларида ташиладиган темир йўлда ташиш объекти;
ташиш учун тақиқланган юк – Ўзбекистон Республикасининг қонун ҳужжатларига ва Юкларни ташиш қоидаларига мувофиқ ҳаракатдаги темир йўл таркибида ташиш учун йўл қўйилмайдиган юк;