Ўзбекистон Республикасининг темир йўл

Ўзбекистон Республикаси Вазирлар Маҳкамасининг 2008 йил 23 октябрдаги 232-сонли қарорига илова

Ўзбекистон Республикасининг темир йўл
НИЗОМИ


I боб.
УМУМИЙ ҚОИДАЛАР

1. Ўзбекистон Республикасининг темир йўл Низоми темир йўлнинг, темир йўл транспортидан фойдаланувчи юридик ва жисмоний шахсларнинг, шунингдек фуқароларнинг ҳуқуқлари, мажбуриятлари ва жавобгарлигини белгилаб беради, ташишлар ҳажми истиқболини белгилаш ва уни бажариш, темир йўл транспортида ташиш учун шартномалар тузиш ва уларни бажариш тартибини, йўловчилар, юклар, багаж ва почта ташишнинг асосий шартларини, темир йўл шоҳобчаларидан фойдаланиш бўйича асосий қоидаларни, шунингдек, темир йўл ҳамда унинг корхоналари билан юк жўнатувчилар, юк олувчилар ва йўловчиларнинг ўзаро муносабатларини тартибга солади.

Мазкур Низом умумий фойдаланишдаги темир йўллар орқали йўловчилар, юклар, багаж ва почтани ташишга, шу жумладан темир йўл шоҳобчаларида ортиладиган ва тушириладиган юкларни ташишга тааллуқлидир.
Низом темир йўл учун ҳам, юк жўнатувчилар ва юк олувчилар, йўловчилар ва темир йўл транспорти хизматларининг бошқа фойдаланувчилари учун ҳам мажбурий кучга эга.
2. Қонун ҳужжатлари ва ушбу Низомга мувофиқ темир йўл транспорти бўйича давлат бошқарувини амалга ошириш учун ваколатланган орган Темир йўл транспортида юкларни ташиш қоидаларини (матнда кейинги ўринларда - Юкларни ташиш қоидалари), Темир йўл транспортида йўловчилар, багаж ва юк-багажни ташиш қоидаларини (матнда кейинги ўринларда - Йўловчилар, багаж ва юк-багажини ташиш қоидалари), темир йўл транспортида юкларни ортиш ва маҳкамлаш техник шартларини (матнда кейинги ўринларда - Юкларни ортиш техник шартлари) тасдиқлайди.
3. Мазкур Низомда қуйидаги атамалар ва тушунчалар қўлланилди: